संसारभर कोरोनाको कहर तीब्र रुपमा बढ्दै

२०७७ मंसिर २१ गते, आईतवार

काठमाडौं । संसारभरिमा १५ लाख ३४ हजारभन्दा बढी मानिसहरुको मृत्यु कोरोनाभाइरसको कारण भइसकेको छ । तीमध्ये एक तिहाईको मृत्यु त पछिल्लो दुई महिनामा मात्रै भएको हो ।
हालसम्म ६ करोड ६८ लाखभन्दा बढी मासिनहरु कोभिड–१९ बाट संक्रमित भइसकेका छन् । पछिल्लो हप्ता मात्रै प्रतिदिन १० हजारको दरले मानिसहरुका दैनिक मृत्यु भइरहेको छ ।
खोपको सफलताका कथाहरु बाहिर आइरहँदा माथिका तथ्यांकहरुले यो कोरोना महाव्याधिको गम्भीरतालाई देखाइरहको छ ।
गत बिहीबार मात्रै संयुक्त राष्ट्रसंघका महासचिव एन्टोनी गुटेरेसले ‘भ्याक्सिनहरुले चाँचाडै मान्यता पाइहाले पनि संसारले कोभिड–१९ को पराकम्पनसँग दशकौंसम्म जुधिरहनुपर्ने उल्लेख गरेका थिए ।
जाडोको मौसमको आवागमनसँगै पछिल्ला चरणमा तीब्रताका साथ फेरि संक्रमण बढ्न थालेको छ र मानिसहरुको भकाभक मृत्यु हुनु थालेको छ । यसले आगामी दिनहरुमा कोरोनाको कहर झनै तीब्र बनेर पो जाने हो कि भन्ने आशंकालाई जन्माएको छ । यो स्थितिमा कोरोनाको पहिलो लहरमा सबैभन्दा बढी प्रभावित बनेका मुलुकहरुले फेरि कोरोनाविरुद्धको कडाइ तथा लकडाउनहरुलाई अवलम्बन गर्न थालेका छन् ।
इटाली
नयाँ वर्षको आवागमनसँग मानिसहरुको आवातजावात र भ्रमण तीब्र हुने गर्छ । यो स्थितिलाई मध्यनजर गर्दै इटालीले क्रिसमसको समयावधिभरि लकडाउनको नयाँ मापदण्डहरु घोषणा गरेका छन् ।
त्यसअनुसार, आगामी डिसेम्बर २१ देखि जनवरी ६ सम्म इटालीभरि नै सार्वजनिक गतिविधिहरुमा प्रतिबन्धको घोषणा गरिएको छ । त्यसैगरी, डिसेम्बर २५ र २६ मा एक ठाउँबाट अर्को ठाउँमा जानको लागि प्रतिबन्धको घोषणा गरिएको छ ।
अहिले पनि इटालीभरि स्थानीय समयानुसार राति १० बजेदेखि बिहान ५ बजेसम्म कफ्र्यू लगाइएका छ । जनवरी १ देखि त्यो कफ्र्यका समय बढाएर बिहान ७ बजेसम्म गरिने भएको छ ।
अमेरिका
कोरोनाको कहर सबैभन्दा बढी खेपिरहेको अमेरिकामा दैनिक संक्रमण तथा अस्पताल भर्ना हुनेहरुको संख्या भयावह रुपमा बढ्दै गइरहेको छ ।
राष्ट्रपतिमा निर्वाचित जोन वाइडेनले आफूले कार्यकाल सम्हालेको प्रथम १०० दिना मास्कको प्रयोगलाई अनिवार्य बनाउने बताइसकेका छन् ।
गाजा क्षेत्र
गाजा क्षेत्रका जनघनत्व बढी रहेका भागहरुमा आंशिक लकडाउन लागू गरिएको छ ।
यस दौरानमा मस्जिद तथा स्कुलहरु बन्द रहनेछन् । दिनको समयमा व्यवसायहरु सञ्चालन गर्न पाइनेछ तर रातका कफ्र्य शुरु भएपछि सबै गतिविधिहरुमा प्रतिबन्ध लाग्नेछ । स्थानीय वासिन्दाहरुलाई घरभित्रै बस्न भनिएको छ ।
अन्तरिक मन्त्रिपरिषदका प्रवक्ता अयद अल बोजोमले पत्रकारहरुलाई जानकारी दिएअनुसार, आवश्यक परेमा पूर्ण लकडाउन गर्ने विकल्पका बारेमा पनि सोचविचार भइरहेको छ ।
दक्षिण कोरिया
दक्षिण कोरियामा पनि कोरोना संक्रमणको दर बढ्दै गएपछि भौतिक दूरीका नियमलाई झनै कडाइका साथ लागू गर्नेतिर सोचविचार गरिरहेको छ ।
गत शुक्रबारमा मात्रै दक्षिण कोरियामा कोरनो भाइरसको नयाँ लहरले उच्च रुप लिएको थियो । उक्त दिन संक्रमणका ६२९ वटा नयाँ केसहरु देखापरेका थिए । यो भनेको गत फेब्रुअरीमा दक्षिण कोरियामा देखापरेको कोरोनाभाइरसको पहिलो लहरपछिको सबैभन्दा उच्च संख्या थियो ।
गत महिना मात्रै दक्षिण कोरियाले सामाजिक दूरीको नियमलाई पुनः लागू गरेको थियो । यो स्थितिमा पनि खतराको घण्टी बजाउने गरी संक्रमणको दर बढ्नुले स्थिति गम्भीर रहेको कुरा दक्षिण कोरियाका प्रधानमन्त्री चुङ से–क्यूनले बताएका छन् । यो स्थितिमा कोरानाविरुद्धको कडाइलाई अझै बढाउने कि नबढाउने भन्नेबारे आज आइतबार निर्णय गरिने कुरा पनि उनले बताएका छन् ।
यतिखेर कोरियामा विश्वविद्यालयका परिक्षाहरु चलिरहो छन् जहाँ करिब ५ लाख विद्यार्थीहरु सहभागी छन् । यसले संक्रमणलाई झनै बढाउने चिन्ता त्यहाँका अधिकारीहरुले गरेका छन् ।
बेलायत
बेलायतले जनस्तरमा भ्याक्सिन दिने भएको छ । यो स्थितिमा भ्याक्सिनको कुनै पनि नकारात्मक प्रभाव देखिएमा बेलायतले प्रत्येक व्यक्तिलाई क्षतिपूर्ति समेत दिने बताइसकेको छ ।
भ्याक्सिनको प्रयोग गर्दा कुनै व्यक्तिमा गम्भीर नकारात्मक असर परेको साबित भएमा बेलायत सरकारले १ लाख २० हजार पौण्ड ९१ लाख ६१ हजार ६ सय ७६ अमेरिकी डलर० बराबरको क्षतिपूर्ति दिनेछ ।
इरान
गत बिहीबार मात्रै इरानमा कोराना संक्रमितको संख्या १० लाख नाघेको छ । यो त्यसबेलामा भएको छ, जुनबेलामा इरानका अधिकारीहरु मुलुकका थुप्रै भागहरुमा कोरोनाविरुद्धको कडाइलाई केही खुकुलो बनाउनेबारे विचार गरिरहेका छन् ।
यो स्थितिमा इरानले पनि कोरानोविरुद्धका प्रतिबन्धहरुलाई अझ कडा बनाउँदै लैजानुपर्ने स्थिति पैदा हुँदै गइरहेको पदाधिकारीहरुले बताएका छन् ।
एजेन्सीहरुको सहयोगमा

33 Views

ताजा

रोनाल्डोको नया कीर्तिमान

२०७८ असार १ गते, मंगलवार

रोनाल्डोको नया कीर्तिमान

२०७८ असार १ गते, मंगलवार

सुशान्तको यादमा रिया लेख्छिन्, ‘प्लिज, फर्केर आउ’

२०७८ असार १ गते, मंगलवार

सनीको फिल्म ‘गदर : एक प्रेम कथा’को सिक्वेल बन्ने

२०७८ असार १ गते, मंगलवार

फ्रान्सविरुद्ध जर्मनी : यी हुन् हेर्नलायक खेलाडी

२०७८ असार १ गते, मंगलवार

पोर्चुगल भर्सेज हंगेरी – यी हुन् हेर्नलायक खेलाडी

२०७८ असार १ गते, मंगलवार

अभिनेत्री निशाको उपचार नर्भिकले निःशुल्क गर्ने

२०७८ जेष्ठ २८ गते, शुक्रबार

हराएकी मायाको खोजी गरिदिन परिवारको आग्रह

२०७८ जेष्ठ २८ गते, शुक्रबार

यी लक्षणले बताउँछन् भिटामिन सीको कमी, आँखाको ज्योति जाने खतरा

२०७८ जेष्ठ २८ गते, शुक्रबार

यो बानीका कारण मानिसहरुको हृदयघात–स्ट्रोकको कारण गइरहेछ ज्यान, डब्ल्यूएचओको चेतावनी

२०७८ जेष्ठ २८ गते, शुक्रबार

रोग प्रतिरोधात्मक क्षमता बढाउने ५ खानेकुरा

२०७८ जेष्ठ २८ गते, शुक्रबार

लोकप्रिय

बुढाथोकी नेतृत्वको माओवादीद्वारा नागरिकता अध्यादेशको घोर विरोध

२०७८ जेष्ठ ११ गते, मंगलवार

प्रहरी निरीक्षक भोजराज पाण्डेयकोे विदाई गर्दा गाउँले चिन्तित

२०७८ जेष्ठ ९ गते, आईतवार

सहारा बिहिन को आमा….. रिमा

२०७८ बैशाख २५ गते, शनिबार

गैर आवासीय नेपाली संघ क्यालिफ़ोर्निया मा के.सी.

२०७८ बैशाख २३ गते, बिहीबार

समाजसेवि खड्का द्धारा जन्मदिनको खर्च बालआस्रमलाइ सहयोग

२०७७ चैत्र १६ गते, सोमबार

विश्व हिन्दु महासंघको भारत अध्यक्षमा मोदी

२०७७ माघ २१ गते, बुधबार

लडाइँमा नहार्ने देश यत्रा–यत्रा डल्लासँग किन हार्नेः–प्रधानमन्त्री ओली

२०७७ माघ २० गते, मंगलवार

म्यानमार सैनिक ‘कू’ : सत्ता सेनाको हातमा, संकटकाल घोषणा

२०७७ माघ १९ गते, सोमबार

सात जना नक्कली पीसीआर रिपोर्टसहित पक्राउ

२०७७ पुष १९ गते, आईतवार

2020 Copyrights Reserved at dnfkhabar.com

Designed & Developed By Web House Nepal