तीन महिनामा ६६ अर्ब पुनरकर्जा स्वीकृत

२०७७ मंसिर १९ गते, शुक्रबार

काठमाडौँ । कोभिड– १९ बाट प्रभावित उद्योग तथा व्यवसायलाई राहत प्रदान गर्ने ध्येयका साथ रु ६५ अर्ब ६९ करोड बराबरको पुनरकर्जा स्वीकृत भएको छ ।

नेपाल राष्ट्र बैंकका अनुसार पुनरकर्जाका लागि बैंक तथा वित्तीय संस्थाले पुनरकर्जाका लागि दर्खास्त आह्वान गरेकामा गत असोज मसान्तसम्म रु ६९ अर्ब चार करोड माग भएकामा रु ५० अर्ब सात करोड स्वीकृत भएको छ ।

यसैगरी ग्राहक मूल्याङ्कनअनुसार प्रदान गरिने पुनरकर्जाका लागि रु ५५ अर्ब २५ करोड माग भएकामा रु १५ अर्ब ६२ करोड स्वीकृत भएको छ ।

सहुलियतपूर्ण कर्जा प्रवाहमा प्रदेशगत सन्तुलन कायम गर्दै लक्षित क्षेत्र र वर्गको पहुँच सुनिश्चित गर्ने प्रयास गरिएको नेपाल राष्ट्र बैंकका गभर्नर महाप्रसाद अधिकारीले जानकारी दिनुभयो ।

उहाँले पुनरकर्जा लिनेमा ताप्लेजुङ, बैतडी, दार्चुलादेखि सुगम जिल्ला तथा त्यस मातहतका नगरपालिका र गाउँपालिकालाई समेटिएको बताउनुभयो । “कुनकुन स्थानीय निकायबाट पुनरकर्जाको माग आएको छैन भनेर अध्ययन पनि भइरहेको र सकेसम्म सबै पालिकामा पुगोस् भन्ने ध्येय राखिएको छ”, गभर्नर अधिकारीले भन्नुभयो ।

कृषि तथा पशुपक्षी कर्जाबाहेकका कार्यविधिमा उल्लेखित अन्य कर्जामा ग्रामीण इलाकालाई प्राथमिकतामा राखी २०७८ असार मसान्तसम्ममा वाणिज्य बैंकले ५०० वा न्यूनतम प्रतिशाखा १० तथा राष्ट्रियस्तरका विकास बैंकले ३०० वा न्यूनतम प्रतिशाखा पाँचमध्ये जुन बढी हुन्छ सोहीबमोजिमको सङ्ख्यामा सहुलियतपूर्ण कर्जा प्रवाह गर्नुपर्ने व्यवस्था गरिएको छ ।

राष्ट्रियस्तरबाहेकका विकास बैंक तथा वित्त कम्पनीले क्रमशः न्यूनतम २०० र १०० सहुलियतपूर्ण कर्जा प्रवाह गर्नुपर्ने व्यवस्था गरिएको छ । गत असोज मसान्तसम्ममा कूल ४१ हजार ६१८ ऋणीलाई सहुलियतपूर्ण कर्जा प्रवाह भई रु ७२ अर्ब ४७ करोड कर्जा बक्यौता रहेको छ । यसमध्ये कृषि तथा पशुपक्षी व्यवसाय कर्जाअन्तर्गत २७ हजार ३६९ ऋणीलाई रु ६१ अर्ब २५ करोड र सहुलियतपूर्ण कर्जाका अन्य शीर्षकअन्तर्गत १४ हजार २४९ ऋणीको रु ११ अर्ब २२ करोड कर्जा बक्यौता रहेको छ ।

चालू आवको मौद्रिक नीतिको पहिलो त्रैमासिक समीक्षा गर्दै केन्द्रीय बैंकले कोभिड–१९ ले अर्थतन्त्रमा पारेको प्रभावलाई न्यूनीकरण गर्दै उद्योग, पेशा, व्यवसायको पुनरुत्थानमा सहयोग पु¥याउने, पुनरकर्जामा पहुँच अभिवृद्धि गर्ने र विद्यमान पुनरकर्जा सुविधालाई थप व्यवस्थित र प्रभावकारी बनाउने उद्देश्य राखिएको छ । त्यसका लागि पुनरकर्जा कार्यविधि लागू गरी उपलब्ध कोषको पाँच गुणासम्म पुनरकर्जा उपलब्ध गराउने व्यवस्था गरिएको छ ।

वाणिज्य बैंकले कूल कर्जा लगानीको कृषि क्षेत्रमा गत असार मसान्तसम्म न्यूनतम ११ प्रतिशत लगानी गरेका थिए । सोहीअनुसार २०७९ असार मसान्तसम्म १३ प्रतिशत र २०८० असार मसान्तसम्म १५ प्रतिशत कृषि क्षेत्रमा प्रवाह गर्नुपर्ने व्यवस्था गरिएको छ ।

यस्तै गत असोज मसान्तमा वाणिज्य बैंकले आफ्नो कूल कर्जा लगानीको ९।५ प्रतिशत कृषि क्षेत्रमा कर्जा प्रवाह गरेका छन् । यस्तै वाणिज्य बैंकले कूल कर्जा लगानीको २०७८ असार मसान्तसम्म न्यूनतम छ प्रतिशत, २०७९ असार मसान्तसम्म सात प्रतिशत, २०८० असार मसान्तसम्म नौ प्रतिशत र २०८१ असार मसान्तसम्म १० प्रतिशत ऊर्जा क्षेत्रमा प्रवाह गर्नुपर्ने व्यवस्था गरिएको केन्द्रीय बैंकले जानकारी दिएको छ ।

गत असोज मसान्तमा वाणिज्य बैंकले आफ्नो कूल कर्जा लगानीको ५।६ प्रतिशत ऊर्जा क्षेत्रमा प्रवाह गरेका छन् । कोभिड–१९ बाट अतिप्रभावित हवाई उड्डयन व्यवसाय, यातायात, होटल, रेष्टुरेन्टलगायतका पर्यटन क्षेत्रका उद्यम–व्यवसाय पुनरुत्थानका लागि चालू पूँजी कर्जा, सहुलियतपूर्ण कर्जा र पुनरकर्जा प्रवाहमा प्राथमिकता दिइएको छ ।

९० अर्ब तरलता प्रशोचन
नेपाल राष्ट्र बैंकका अनुसार यस अवधिमा कूल रु ९० अर्ब तरलता प्रशोचन गरिएको छ । बैंकिङ प्रणालीमा पर्याप्त तरलता रहेकाले यस अवधिमा रिभर्स रिपोमार्फत रु ६० अर्ब र निक्षेप सङ्कलन उपकरणमार्फत रु ३० अर्ब गरी कूल रु ९० अर्ब तरलता प्रशोचन गरिएको छ ।

चालू आवको पहिलो त्रैमासिकमा रिपोमार्फत रु ३९ अर्ब ५२ करोड र स्थायी तरलता सुविधामार्फत रु ४९ अर्ब ८० करोड गरी कूल रु ८९ अर्ब ३२ करोड तरलता प्रवाह गरिएको थियो भने निक्षेप सङ्कलन उपकरणमार्फत रु ३० अर्ब तरलता प्रशोचन गरिएको थियो ।

समीक्षा अवधिमा बैंकले विदेशी विनिमय बजारबाट अमेरिकी डलर एक अर्ब २४ करोड खुद खरिद गरी रु एक खर्ब ४७ अर्ब ४३ करोड तरलता प्रवाह गरेको छ ।

अघिल्लो वर्षको सोही अवधिमा विदेशी विनिमय बजारबाट अमेरिकी डलर ९० करोड २२ लाख खुद खरिद गरी रु एक खर्ब दुई अर्ब ६३ करोड तरलता प्रवाह गरिएको थियो ।

समीक्षा अवधिमा बैंक तथा वित्तीय संस्थाको निक्षेप परिचालन ४।९ प्रतिशतले वृद्धि भई रु ४० खर्ब २७ अर्ब ३७ करोड पुगेको छ ।

अघिल्लो वर्षको सोही अवधिमा निक्षेप परिचालन तीन प्रतिशतले वृद्धि भई रु ३३ खर्ब ३१ अर्ब ५७ करोड पुगेको थियो । चालू आवको पहिलो तीन महिनामा बैक तथा वित्तीय संस्थाको लगानीमा रहेको कर्जा चार प्रतिशतले वृद्धि भई रु ३३ खर्ब ३९ अर्ब ६६ करोड पुगेको छ । अघिल्लो वर्षको सोही अवधिमा यस्तो कर्जा ४।३ प्रतिशतले बढेर रु २९ खर्ब ८८ अर्ब ७६ करोड पुगेको थियो । बैंक तथा वित्तीय संस्थाको चुक्ता पूँजीे २०७७ असार मसान्तमा रु तीन खर्ब ५२ अर्ब ३७ करोड रहेकामा २०७७ असोजमा रु तीन खर्ब ५२ अर्ब ७० करोड पुगेको छ ।

यस अवधिमा पूँजी कोष रु पाँच खर्ब २१ अर्ब ७० करोडबाट वृद्धि भई रु पाँच खर्ब ५८४ अर्ब ८१ करोड पुगेको छ । गत असोज मसान्तमा वाणिज्य बैंकको पूँजी कोष पर्याप्तता अनुपात १४ प्रतिशत, विकास बैंकको १३।५ प्रतिशत र वित्त कम्पनीको १९।४ प्रतिशत रहेको छ ।

बैंक तथा वित्तीय संस्थाको शाखा सङ्ख्या गत असार मसान्तमा नौ हजार ७६५ रहेकामा गत असोज मसान्तमा नौ हजार ९०३ पुगेको छ । उक्त अवधिमा प्रतिबैंक शाखा जनसङ्ख्या तीन हजार ७२ बाट घटेर तीन हजार २९ कायम भएको छ । रासस

66 Views

ताजा

धनगढीमा एक पुरुषले आफ्नी पत्नीको कोठामै घु सेर स्वास्थ्यकर्मीले ज,वर जस्ती गरिरहेको देखे पछि

२०७९ आश्विन ८ गते, शनिबार

धनगढीमा एक पुरुषले आफ्नी पत्नीको कोठामै घु सेर स्वास्थ्यकर्मीले ज,वर जस्ती गरिरहेको देखे पछि

२०७९ आश्विन ८ गते, शनिबार

२४ घण्टामा श्रीमानको मृ’त्यु हुने निस्चित थियो, श्रीमतीले भनिन हाम्रो मायाको निसानी म बच्चा चाहन्छु..त्यसपछि डाक्टरले..”

२०७९ आश्विन ८ गते, शनिबार

भारतमै भारतीय फिल्मलाई उछिन्यो (प्रेमगित :३)ले हाउसफुल हुँदै फिल्म हलहरु ।

२०७९ आश्विन ८ गते, शनिबार

ज्योतिषिका अनुसार कस्तो छ तपाईकाे लागि आजको ग्रहगोचर आफ्नाे राशि हेर्नुहाेस्,

२०७९ आश्विन ८ गते, शनिबार

दशैंको मुखैमा फेरी आकाशियो डलरको भाउँ, कति पुग्याे त हेर्नुहाेस्,

२०७९ आश्विन ८ गते, शनिबार

पहिलो दिनमै ‘प्रेमगीत ३’ को कमाई यति धेरै

२०७९ आश्विन ८ गते, शनिबार

प्रहरीले पत्ता लगायो काठमाडौँ हत्याकाण्डका मुख्य योजनाकार, गेष्ट हाउसमा बसेर गरेका थिए निगरानी..

२०७९ आश्विन ७ गते, शुक्रबार

नेता असल भए तिव्र विकास : सहरी मन्त्री चौधरी

२०७९ आश्विन ७ गते, शुक्रबार

बालेन शाहको केटा,केटीमा धरी यस्तो क्रेज प्रधान-मन्त्री हुनु पर्ने भन्दै उर्लिए भिडियो हेर्नुस।

२०७९ आश्विन ७ गते, शुक्रबार

डा.केसीको स्वास्थ्य अवस्था झन ,झन बि ग्रँदै !

२०७९ आश्विन ७ गते, शुक्रबार

लोकप्रिय

भाईरल बरिशा, हिरोईन रश्मिकाले भेट्न आउने ईच्छा ब्यक्त गरेपछी….

२०७९ आश्विन ४ गते, मंगलवार

यी हुन् आमा-छोरा झट्ट हेर्दा दिदीभाइ जस्ता तर सँगै स्कुल ।

२०७९ आश्विन २ गते, आईतवार

भूमाफियाहरुको सातो खाएका काठमाडौँका मेयरले गरे अर्को कमालको काम….

२०७९ आश्विन २ गते, आईतवार

बालेन ले बाबुरामलाइ दिए मुखभरीको जवाफ भने हजारौंको घर भ,त्काएर फुटपाथ बनाउँदा सोच्न पर्थ्यो नि ।”

२०७९ आश्विन १ गते, शनिबार

गायिकामाथि जापानमा दोहोरी सञ्चालकले गरे दुर्व्यवहार 

२०७९ भाद्र २९ गते, बुधबार

नेकपा( एकीकृत समाजवादी )को निकट सहकारी संगठन समाजवादी सहकारी संगठन नेपाल घोषणा

२०७९ भाद्र २९ गते, बुधबार

हर्क साम्पाङ् भन्छन् : ७ सय ५३ पालिकामध्ये सबैभन्दा भाग्यमानी मै हो

२०७९ भाद्र १९ गते, आईतवार

लायन्स क्लब अफ काठमाण्डौ नयाबजार विभिन्न बिधामा सम्मान्नित

२०७९ श्रावण २१ गते, शनिबार

शिक्षकले कक्षाकोठामै काटिदिए विद्यार्थीकाे कपाल

२०७९ असार २८ गते, मंगलवार

2020 Copyrights Reserved at dnfkhabar.com

Designed & Developed By Web House Nepal