गोरखा : पछिल्लो समय नेपालमा पश्चिमेली सँस्कृतीको प्रभाव बढ्दै गएको छ । अहिले प्राय नेपालीहरु असाध्यै खुसिको पल वा एकदमै महत्वपूर्ण दिन आफ्नो मन मिल्ने वा ‘स्पेशल’ मान्छेसँग ‘स्पेशल’ तरिकाले मनाउन चाहान्छन् ।

हरेक मानिसको लागि सबैभन्दा ठूलो र महत्वपूर्ण दिन भनेकै उस्को जन्म दिन (बर्थ डे) नै हो । आजभोलि बिशेषत युवा पुस्ता आफ्नो जन्म दिन (बर्थ डे) साथीहरुसँग महङ्गो होटलमा सानदार तरिकाले मनाउन चाहान्छन् । अझै भनौ भने साथिहरु सँग मादक पदार्थको नशामा झुमेर मनाउन चाहान्छन् ।

तर, गोरखा नगरपालिका वडा नम्बर ३ का सोम श्रेष्ठले भने आफ्नो जन्न दिनमा साथिहरुलाई सानदार पार्टी भन्दा गरिब विद्यार्थीलाई शैक्षिक सामग्री बितरण गर्न बुद्धिमानि हुने सोचे । अनि, आइतबार बिहानै गोरखाको शहिद लखन गाउँपालिका वडा नम्बर ७ मा रहेको लखन थापा माध्यामिक बिद्यालयमा झोला बोकेर पुगे ।

विद्यालयमा पुगेर शिक्षकहरुसँग कुराकानी गर्दै भने, ‘सर, आज मेरो २२ औँ जन्म दिन । म मेरो जन्म दिनमा यस बिद्यालयका केहि गरिब तथा जेहेनदार विद्यार्थीहरुलाई शैक्षिक सामग्री बितरण गर्न चाहान्छु । सहयोग गर्दिनु पर्याे ।’

शिक्षकहरु उनको कुरा सुनेर एकछिन दंग परे । त्यती बेला श्रेष्ठसँग सोहि वडाका वडाध्यक्ष शरण श्रेष्ठपनि साथमै थिए । बिद्यालयले पनि उनको प्रस्तावलाई स्वीकार गर्याे । त्यसपछि श्रेष्ठले पालैपालो विद्यालयका ५० जना विद्यार्थीहरुको हात हातमा कापी—कलम थमाईदिए ।

त्यसपछि उक्र बिद्यालयका सबै बिद्यार्थी र शिक्षकहरुले एकै स्वरमा तालि बनाउँदै भन्न थाले, ‘ह्यापी बर्थ डे टु यु ।’

‘आज मैले पहिलोपटक नयाँ तरिकाले जन्म दिन मनाएँ’ श्रेष्ठले भने, ‘साथीलाई सानदार पार्टी दिएर जन्म दिन मनाउनु भन्दा गरीब विद्यार्थीलाई कापी र कलम दिँदा खुसि र सन्तुष्टि मिल्दो रहेछ । म एकदमै खुसि छु ।’ उनले अरुलाई पनि आफ्नो जम्न दिन होस् या अरु कुनै कुराको उत्सव मनाउँदा दुखि पिडितहरुलाई सहयोग गरेर मनाउन सुझाव दिए ।