लोक तथा दोहोरी क्षेत्रमा पछिल्लो समय एकपछि अर्को गरेर गीतहरु आउनेक्रम बढे संगै कलाकारहरुले नयाँ नयाँ गितहरु सार्वजनिक गरिरहेका छन् । पछिल्लो नेपाली सांगितिक बजार संगितमय वन्दै गएको छ भने नेपाली लोक गित संगितलाई चौतर्फि रुचाईएको छ ।

यसै सन्दर्भमा बजारमा धेरै सर्जकहरुले आफ्नो गित दर्शक स्रोतामा पठाएका र कयौ माया पाएका छन् । सोहि क्रममा लोकप्रिय गायिका शान्तिश्री परियार र विजय सुनामको स्वरमा रहेको वियोगान्त भावको गीत ‘भाग्यमा छैनौ’ सार्वजनिक भएको छ ।

सन्तोष पन्तको शब्द विजय सुनामको सङ्गीत, विनोद बाजुरालीको सङ्गीत संयोजन रहेको गीतको निर्माण सङ्गीत व्यावसायी शिवराज पौडेलले गरेका हुन । कथात्मक शैलीमा निर्माण गरिएको यस म्युजिक भिडियोमा आफ्नै घरमा काम गर्न बसेको युवकसँग प्रेममा परेकी युवती अर्थात भिडियोकी नायिकाले ईच्छा नहुँदा नहुँदै पनि अर्कै युवकसँग बिबाह गर्नुपरेको बाध्यात्मक अवस्था देखाईएको छ ।

यथार्थपरक भावको यो भिडियो गोधूली क्रिएशनको पोष्ट प्रोडक्शनमा तयार भएको गीतको म्युजिक भिडियो विनोद भण्डारीको निर्देशनमा रहेको गीतमा सारिका के. सी., शिशिर पौडेल र दीप काफ्लेले अभिनय गरेका छन् ।