गुलरिया । बर्दियाको गुलरिया नगरपालिका वडा नं. १ मा नेपाली कांग्रेसका जोगीराम थारु नेतृत्वको प्यानल नै विजयी भएको छ । केहीबेर अघि सम्पन्न मत गणनाअनुसार नेपाली कांग्रेसका जोगीराम थारुले १३३९ मत ल्याएर विजयी भएका हुन् ।
उनका निकटतम प्रतिस्पर्धी नेकपा एमालेका रामसुमरिन यादवले १००४ मत प्राप्त गरेका छन् । यसअघि सो वडामा नेकपा एमालेले जितेको थियो ।
यस्तै बारबर्दिया नगरपालिका वडा नं. १ मा पनि नेपाली कांग्रेसका तर्फबाट वडाध्यक्षका उम्मेदवार कैलाशपति थारु विजयी भएका छन् । उनले १०६५ मत प्राप्त गर्दा नेकपा एमालेका खिमानन्द पाठकले ९६४ मत प्राप्त गरे । यसअघि सो वडामा नेकपा माओवादी केन्द्रले जितेको थियो ।
यस्तै गेरुवा गाउँपालिका वडा नं. ६ मा नेपाली कांग्रेसका कृष्णगोपाल चौधरी विजयी भएका छन् । बाँसगढी नगरपालिका वडा नं. १ मा नेकपा माओवादी केन्द्रबाट जयराज पाण्डे विजयी भएका छन् ।