काठमाडौ । कञ्चनपुरमा सत्ता गठबन्धनको सबैभन्दा ठूलो दल नेपाली कांग्रेसले आफूहरूलाई पेल्न खोजेको भन्दै नेकपा (माओवादी केन्द्र) र नेकपा (एकीकृत समाजवादी) मिलेर स्थानीय तह निर्वाचनमा जाने भएका छन् ।

दुई पार्टीबीच कांग्रेसबाहेक मिलेर जाने सहमति भएको छ । गए राति दुई पार्टीका नेताहरूको बैठकले मिलेर जाने निर्णय गरेको हो । कञ्चनपुरमा नौ स्थानीय तह छन् । पालिका र वडाहरूमा समेत माओवादी र समाजवादीले भागबन्डा गरेका छन् ।

कञ्चनपुर कांग्रेस नेता एनपी साउद र रमेश लेखकको गृहजिल्ला हो । उनीहरू दुवैले आ–आफ्नो निर्वाचन क्षेत्रका पालिका माओवादीलाई दिन नमानेपछि गठबन्धनमा सहमति नभएको हो ।