काठमाडौं । हिजो सोमबार बिहान ललितपुरको कोञ्ज्योसोम गाउँपालिका–४ स्थित नल्लुमा २ दिने शिशुसहित ५ जनाको मृत्यृको खबर सेलाउन नपाउँदै आज काठमाडौंको नागार्जुन नगरपालिकास्थित रामकोटमा एकै परिवारका ५ जनाले विष सेवन गरेका छन् । विष सेवनबाट नागार्जुन नगरपालिका–६ डाँडापौवामा डेरा लिएर बस्ने सुवर्णमान प्रधानको मृत्यु भएको छ ।
परिवारका ५ सदस्यले विष सेवन गरेको र एकजनाको अस्पतालमा मृत्यु भएको बताइएको छ ।
विष सेवनपछि अचेत अवस्थामा फेला परेका ४ जनालाई स्वयम्भूस्थित मनमोहन अस्पतालमा पठाइएको छ । अनुसन्धानमा संलग्न प्रहरी अधिकृतहरुकाअनुसार घटनास्थलमा सल्फस लगायत किटनाशक औषधीका बट्टा भेटिएका छन् । उनीहरु डा.उद्धव पुरीको घरमा डेरामा बस्दै आएका थिए ।

प्रहरीका अनुसार ३८ वर्षीय भीम प्रधान, ३५ वर्षीया मन्दिरा डंगोल, ६२ वर्षीया ईन्दिरामाया प्रधान र ११ वर्षीया सुप्रेण प्रधानको उपचार भइरहेको छ । काठमाडौं महानगरपालिका–१५ डल्लु घर भएका उनीहरू नागार्जुनमा भाडामा बस्दै आएका थिए । घटनाका बारेमा थप अनुसन्धान भइरहेको प्रहरीले जनाएको छ ।