काठमाडौँ । भारतको तामिलनाडूमा भएको हेलिकोप्टर दुर्घटनामा परेका भारतीय रक्षा प्रमुख विपिन रावतको निधन भएको छ । यससँगै उक्त दुर्घटनामा हेलिकोप्टरमा सवार १४ मध्ये १३ जनाको निधन भएको छ। दुर्घटनामा रावतसँगै उनकी पत्नीको पनि निधन भएको भारतीय एयर फोर्सले पुष्टि गरेको हो।
तमिलनाडूको जंगलमा बुधवार हेलिकोप्टर दुर्घटना हुँदा रावत तथा उनकी श्रीमतीसहित अन्य सैन्य अधिकारीको निधन भएको हो। हेलिकोप्टर दुर्घटनापछि रावतलाई अस्पताल भर्ना गरिएको थियो। अस्‍पतालमा उपचारका क्रममा उनको निधन भएको भारतीय एयर फोर्सले जनाएको छ।
घना जंगलमा भएको दुर्घटनामा गम्भीर घाइते भएका रावतसहितलाई उपचारका लागि अस्पताल लगिएको थियो। हेलिकोप्टरमा भारतीय रक्षा प्रमुख रावत र उनकी पत्नी मधुलिकासमेत १४ जना सैन्य अधिकारी थिए। समाचार अनुसार अहिलेसम्म १४ मध्ये १३ जनाको ज्यान गएको छ ।