काठमाडौँ । शुक्रबार बिहान प्रचण्ड निवास खुमलटार नेकपा माओवादी केन्द्रका अध्यक्ष प्रचण्ड र अमेरिकी सहयोग परियोजना मिलेनियम च्यालेन्ज कर्पोरेसन (एमसीसी) उपाध्यक्ष फतिमा सुमारबीच भेटवार्ता भएको छ ।
करिब एक घण्टाको भेटवार्तामा सुमारले एमसीसी पास गराउने वातावरण बनाउन आग्रह गरेको बुझिएको छ । भेटमा एमसीसीका विषयमा थप बहस आवश्यक रहेको जनाएका छन् ।
अध्यक्ष प्रचण्डले राष्ट्रिय मुद्दा भइसकेको अवस्थामा सत्तारुढ गठबन्धन र प्रतिपक्षी दलहरूको समेत सहमतिमा मात्र संसदबाट एमसीसी अनुमोदन हुने सुमारलाई भनेका थिए।
प्रचण्डले सत्ता गठबन्धन दलहरूबीच छलफल गरेर निर्णयमा पुग्ने बताएका थिए। उपाध्यक्ष सुमारले एमसीसी कुनै सैन्य गठबन्धनसँग सम्बन्धित नभएको भन्दै नेपालको हितमा रहेको बताएकी थिइन्। उनले अध्यक्ष दाहालसँग एमसीसी अमेरिकी सैन्य रणनीतिसँग सम्बन्धित नरहेको स्पष्ट पारेकी थिइन्।