काठमाडौं । हजुरलाई नमस्ते परोपकारी अभियानका संयोजक समाजसेवी ताराबहादुर कुँवरले आज पनि लकडाउनपीडितलाई राहत वितरण गरेका छन् ।
उनले केही दिन अघि कीर्तिपुरको पाँगा पुगेर १० जना दृष्टिविहीनलाई राहत स्वरुप चामल, दाल, साबुनलगायतका सामग्री वितरण गरेका हुन् । दृष्टिविहीनहरुमध्ये धेरैजसो डान्स वार र दोहोरीमा बेलुकी गीत गाएर जीवनयापन गर्दै आएका थिए । कोरोनाको कारण उनीहरुको काम बन्द भएपछि उनीहरु संकटमा परेका थिए । उनले आफ्नै निजी निवासमा पनि कोरोना संक्रमणका कारण भएको लकडाउन र त्यसबाट प्रभावित अन्य ९ जनालाई पनि राहत उपलब्ध गराएका छन् ।
हजुरलाई नमस्ते ट्रेड लिंकका सञ्चालक, चक्रपथ सफाई अभियानका प्रमुख अभियन्ता, नेपाल हेभी इक्वीपमेन्ट व्यावसायी महासंघका निवर्तमान अध्यक्ष उनले गत वर्षदेखि अहिलेसम्म २५ सयभन्दा बढीलाई राहत बाँडिसकेका छन् । ‘कीर्तिपुरमा बसोबार गर्ने केही व्यक्तिलाई समस्या भएको थाहा पाएँ अनि आफैं त्यहाँ सम्पर्क गरेर गएँ र राहत बाँडेर आएँ’ उनले भने ‘लकडाउन केही खुकुलो भएको छ तर पनि अझै पनि धेरै मानिसलाई दैनिकी चलाउन गाह्रो भएको छ, यस्तो बेलामा भूमिका खेलेको हुँ ।’ कँुवरलाई कीर्तिपुरमा दृष्टिविहीन अर्जुन बोहोराले समन्वय गरेका थिए ।
उनले आफ्नो गाउँ काभ्रेको भुम्लु पुगेर पटकपटक राहत तथा स्वास्थ्य सामग्रीसमेत वितरण गरेका छन् । उनले धेरैपटक चिकित्सकको टोलीलाई लगेर समेत स्थानीयको स्वास्थ्य चेकजाँच गराएका छन् । उनले केही समय रक्तदान अभियान पनि चलाएका थिए । ‘मसँग धेरै भएर बाँडेको होइन तर मेरो मन छ, बाँचुञ्जेल केही गरेर देखाउँ भन्ने हो ’ उनले भने ‘समाजसेवा गर्न पाउँदा मन पनि खुशी हुन्छ र पीडितलाई थोरै भए पनि राहत मिल्छ ।’
उनले आगामी दिनमा पनि निरन्तर यस्तो अभियान चलाइरहने जनाएका छन् । उनले कोरोनाका विरामीलाई उपचारको लागि अक्सिजन अभाव हुँदा अक्सिजन सिलिण्डर पनि खोजिदिएका थिए ।