लक्ष्मी न्यौपाने (चाबहिल शाखा प्रमुुख)
रिलायन्स लाइफ इन्स्योरेन्स कम्पनी

रिलायन्स लाइफ इन्स्योरेन्स कम्पनी चाबहिल शाखाका प्रमुुख लक्ष्मी न्यौपानेसँग जीवन बीमा के हो र यसका फाइदा के–के छन् भन्ने सेरोफेरोमा रहेर संवाददाता अकंध्वज मोतेले गरेको कुराकानीको अंशः
० हिजोआज के कुरामा व्यस्त हुनुहुन्छ ?
हिजोआज म कार्यालयकै काममा ब्यस्त छु । कोरोना भाइरसको कारणले गर्दा अझ जीवन बिमाको महत्व र आवश्यक्ता धेरै नै रहेछ भन्ने बुझाई हामी सबैमा परेको छ । त्यसैले हाम्रा एजेन्सी तथा टिममा रहेर समय सिजन अनुसारको पूर्वयोजनाका साथ जीवन बीमाको आवश्यकता ठान्नेहरुको माझमा सहजकर्ताको रुपमा ब्यस्त छु ।
० तपाई कसरी जीवन बीमा कम्पनीमा आबद्ध हुनुभयो र तपाईँले कसरी सन्तुष्टि प्राप्त गर्नुभएको छ यो रिलायन्स लाइफ इन्स्योरेन्स कम्पनीमा, बताई दिनुहोस् न ?
ममा विद्यार्थी जीवनकालदेखी नै केही गर्नपर्छ भन्ने सोच आइरन्थ्यो । सोचैँ सोचमा स्कुलको पढाई सकेर कलेज पढ्न शुरु गरेँ, केही आर्थिक कुराहरुको विषयबस्तुसँग मेरो मन जोडिन पुग्यो । म कलेज विद्यार्थी, फुलटाइम कुनै पनि काम गर्न मलाई गाह्रो हुन्थ्यो, पार्टटाइम चाहिँ म गर्न सक्थेँ । धेरैवटा पार्टटाइमको कामहरु मध्ये जीवन बीमा कम्पनीमा आबद्ध भएर काम गर्ने मैले निर्णय गरे । मैले आफ्नो पढाई सँगसँगै यो व्यपारलाई पनि निरन्तर अगाडि बढाइरहेँ । साँच्चै नै सोचेको भन्दा पनि राम्रो आयआर्जन जीवन बीमा कम्पनीमा आबद्ध रहेर गरेको महशुस गरेँ । भन्नुपर्दा म एक शिक्षक पनि हुँ, धेरै लामो समय म शिक्षा पेशामा आबाद्ध रहेर काम गरेँ तर अहिले मेरो पहिलो आयस्रोत रिलायन्स लाइफ इन्स्योरेन्स कम्पनी नै भएको छ । यसमा नै म सन्तुष्टी छु । यसमा कुनै पनि घाटा खाने ठाउँ नै छैन् । विश्वासका आधारमा गरिने लागानीले सन्तुष्टिकासाथ जीउन मलाई सहायता पु¥याएको छ ।
० अहिलेसम्म नेपालमा कति वटा बीमा कम्पनीहरु छन् ?
सबै कम्पनीहरु चाहिँ ४० वटा छन् तर जीवन बीमा कम्पनी चाहिँ १९ वटा छन्, निर्जिव बीमा कम्पनी २० वटा र पुुर्नबिमा कम्पनी एउटा छ । अब यसको अर्थ म तपाईहरुलाई राम्रोसँग बुझाउन चाहन्छु– १९ वटा कम्पनीले चाहिँ जीवन बीमा मतलब जीवनमा परी आउने सबै प्रकारको बीमा गर्छ, २० वटा कम्पनीले चाहिँ घर, गाडी, फर्निचर आदिको बीमा गर्छ, र पुर्नबिमा भनेको सबै बीमा कम्पनीहरुले नेपाल सरकारको मातहातमा रहेको गरिने बीमा हो ।
० रिलायन्स लाइफ इन्स्योरेन्सका भरपर्दा विश्वासका आधारहरु के–के हुन् ?
रिलायन्स लाइफ इन्स्योरेन्स कम्पनीे सिद्धार्थ बैँक लि, केडिया अर्गनाइजेसन, सिद्धार्थ ग्रुप, अग्नि होल्डिङ्गस, एम.सी. ग्रुप, रिलायन्स ग्रुप, बेगानी ग्रुप, शिव शक्ति ग्रुप जस्ता प्रतिष्ठित व्यापारीक घरानाद्वारा प्रवद्र्धित कम्पनी हो । जसको कुल जारी पूँंजी २ अर्ब १० करोड र चुक्ता पूँंजी १ अर्ब ४७ करोड रहेको छ । ६३ करोडको साधारण शेयर सर्वसाधारणमा सार्वजनिक निष्काशन गरेपश्चात् कम्पनीको चुक्ता पूंँजी २ अर्ब १० करोड पुगेको छ । यस संस्थाले बीमा समितिको स्वीकृतिपश्चात आफ्नो व्यावसायिक कारोबार २०७४ मंसीर १ गतेदेखि शुरु गरेको हो । कम्पनीले देशभर रिलायन्स लाइफ इन्स्याेरेन्सकाे देशभर १०० शाखा रहेका र ९७ वटा शाखाबाट ग्राहक वर्गलाई सेवा प्रदान गरिरहेकाे छ। यस कम्पनीको संचालक समितिमा अध्यक्ष ताराचन्द केडिया र कार्यकारी प्रमुख अधिकृतमा प्रवीण रमण पराजुली रहेका छन् । यसले एक भरपर्दाे र सुरक्षित कम्पनी हो भनेर परिचय दिन सफल भएको छ । जो कोही पनि यो कम्पनीमा आबद्ध हुन सक्छन् र आबद्ध भएकाहरु मेरो जीवन मेरो धन सुरक्षित छ भनेर खुलेर जिउन सक्छन् । रिलायन्स लाइफ इन्स्योरेन्समा विभिन्न योजनाहरु छन्, समय सन्दर्भलाई समेटिएका योजनाहरु अति आवश्यक र भरपर्दा छन्, छानेर रोजेर आफुलाई चाहिएका प्लानहरु लिन सकिन्छ ।
० बीमा कम्पनीमा जम्मा गरिएको रकम कुन क्षेत्रमा लगानी गरिन्छ र रिलायन्स लाइफ इन्स्योरेन्स कम्पनीले नेपालको आर्थिक क्षेत्रलाई कसरी टेवा पु¥याएको छ ?
इन्स्योरेन्स कम्पनीमा ग्राहकहरुले लगानी गरेका आर्थिक रकम मनोमानी ढंगले जहाँ पाए त्यहिँ लगानी गर्न मिल्दैन । नेपाल सरकारले तोकिएका र बीमा समितीले निर्देशन दिएका ठाउँहरुमा मात्रै लगानी गर्न मिल्छ । रिलायन्स लाइफ इन्स्योरेन्स कम्पनी नेपाल सरकारको इजाजत लिएर संचालित कम्पनी भएको कारणले पनि आयस्रोतको करद्धारा नै राष्ट्रलाई ठूलो टेवा पु¥याएको हुन्छ । त्यति मात्रै होइन हाम्रो कम्पनीमा आबद्ध भएको सम्पूर्ण ग्राहक वर्गहरुले पनि आफ्नो आयस्रोतबाट सरकारलाई कर तिरेका हुन्छन् । यसरी नै राष्ट्र पनि संबृद्धि भएको छ र हरेक ग्राहकहरु पनि खुलेर बाँचेका छन् ।
० के बीमा सजिव तथा निर्जिव कुराहरुको लागि अत्ति आवश्यक कुरा हो त ?
बीमा भन्ने शब्द नै अति महत्वपूर्ण छ, मानिसको जीवनमा बालक, जवान, बृद्ध र अन्त्य यी चार कुराहरु निश्चित छन् । यी चार कुरा थाहा हुँदाहुँदै पनि मानिसको चाहना भने यो संसारमा रहुन्जेल सबै कुरामा हरेकपल सुरक्षित नै हुन चाहन्छन् । बीमा भनेको यही नै हो, चाहे घर, गाडी, धन, सम्पत्ति, जीवन सबैको सुरक्षा गर्ने काम गर्नुको साथै आउने पुस्ताहरुलाई आर्थिक क्षेत्रमा मात्रै नभएर भविष्यको बाटो देखाउन मद्धत गर्छ । त्यत्तिमात्रै होइन् हाम्रो धनको बचत तथा सुरक्षा समेत हुन्छ । अझ भन्नुपर्दा बिमाको विषयमा सजिवमा भन्दा निर्जिव बस्तुहरुमा बढी लागु भएको छ । उदाहरण्को लागि गाडीको कर तथा पास गर्नु प¥यो भने पहिला बीमा गर्नुपर्छ । घरको लागि ऋण चाहियो भने घर बीमा गर्नु पर्छ र यदि व्यापारको लागि ऋण चाहियो भने व्यापार बीमा गर्नुपर्छ । यस्ता थुप्रै निर्जिव बस्तुहरुको बीमा नगरेसम्म सुरक्षित छ भनेर ढुक्क हुन सकिदैन तर त्योभन्दा पनि महत्वपूर्ण त जीवन हो, जीवन बीमाको बारेमा अझै पनि हामी नेपाली जनताहरु अनविज्ञ नै छौँ । हामीले बुझ्नुपर्दा धनसम्पत्ति भन्दा पनि ठुलो चाहिँ आफ्नो स्वास्थ्य र जीवन हो । त्यसैले सबै भन्दा पहिला आफ्नो जीवन बीमा चाहिँ गर्नुपर्छ । आफ्नो स्वास्थ्य र जीवन ठिक छ भने सबै कुराहरु ठिक हुन्छ । यो कुराहरु सबैले जान्नु बुझ्नुपर्छ भन्ने म ठान्छु ।
० अन्त्यमा केही भन्नु हुन्छ कि ?
धेरै नै महत्वपूर्ण कुराकानी भएको छ, साथै कुनै घाम पानीले नोक्सानी नगर्ने र ठुलो लगानी गर्न पनि नपर्ने, आफुले चाहेको लगानीबाट अगाडि बढ्न र धेरै ठुलो आर्थिक क्षेत्रमा टेवा पु¥याउने साथै सुरक्षा दिने रिलायन्स लाइफ इन्स्योरेन्स कम्पनीलाई सम्झिनु हुनेछ भन्दै सम्पूर्ण मेरा चीरपरिचित शुभचिन्तकका साथै अर्थ सवाल साप्ताहिक पत्रिकाका प्रकाशक तथा सम्पादक टिमलाई मेरा बिचार प्रकाशनका निम्ति म हृदयदेखि नै धन्यवाद साथै उत्तरउत्तर प्रगतिको कामना गर्दै बिदा हुन चाहन्छु, धन्यवाद ।