रोशन ज्ञवाली
बर्दिया । बर्दियामा नेपाली काँग्रेस प्रवेश गर्नेको लहर नै चलेको छ । केही दिनअघि मात्रै दर्जनौ नेकपा लगायत अन्य पार्टीका नेता कार्यकर्ता नेपाली काँग्रेस प्रवेश गरेपछि यो श्रृंखला दिनानुदिन बढ्दै गएको छ ।
हिजो आइतबार पनि चार दर्जन भन्दा बढी नेकपा लगायत अन्य पार्टीका नेता कार्यकर्ता प्रवेश गरेका छन् । पार्टी प्रवेश गराउनेमा नेपाली काँग्रेसका पूर्व सभापति अरुण सिंह राठौर एवं नेपाली कांग्रेसका संगठन विभागका केन्द्रीय सदस्य एवम् बर्दिया ठाकुरवाबाका विशेष अतिथि युवा नेता जन्मजय तिमिल्सिनाले र वडा सभापति विजया खनालको संयुक्त क्रियाशिल भेलामा ४ दर्जन बढीलाई नेता कार्यकर्तालाई नेपाली काँग्रेस पार्टीमा प्रवेश गराएका छन् ।
गृहजिल्ला बर्दियाको ठाकुरबाबा नगरपालिकाको वडा सम्मेलनलाई आइतबार सम्बोधन गर्दै तिमिल्सिनाले कम्युनिस्टहरूको अशंबण्डाको राजनीतिले जनताले दुःख पाएको बताए । कार्यक्रमका प्रमुख अतिथि समेत रहेका युवा नेता तिमिल्सिनाले नेकपाको सरकारले यो मुलुकमा केही पनि नगर्ने बताए । साथै तिमल्सिनाले कम्युनिस्टहरू सत्ता चलाउन असफल र निकम्मा भएको समेत बताए ।

‘गरिवका छोराछोरीले विद्यालय देख्न पाएका छैनन् । किताव हातमा छैन । कम्युनिस्ट नेताका छोराछोरीहरू महँगो स्कुलमा पढेका छन्’, उनले भने, ‘स्वास्थ्यको क्षेत्रमा पनि सरकारले केही काम गर्न सकेको छैन ।’ कम्युनिस्टहरू कमिशनमा लागेर देशलाई भ्रष्टाचारमा डुबाएको तिमिल्सिनाले आरोप लगाए ।