काठमाडौं। पछिल्लो २४ घण्टामा नेपालमा कोरोना भाइरसका २६६ जना नयाँ संक्रमित थप भएका छन् ।
पीसीआर विधिबाट ३ हजार ५०८ जनाको स्वाब परीक्षण गर्दा उक्त संख्यामा संक्रमित पुष्टि भएको हो । यो सँगै नेपालमा कोरोना भाइरसबाट संक्रमित हुनेको संख्या २ लाख ६७ हजार ३२२ जना पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ४०० जना संक्रमित निको भएर अस्पतालबाट डिस्चार्ज भएका छन् । यो सँगै नेपालमा कोरोना भाइरसको संक्रमण जितेर घर फर्किनेको संख्या २ लाख ६१ हजार ४४४ जना पुगेको छ ।
यस्तै पछिल्लो २४ घण्टामा देशभर ५ जना संक्रमितले ज्यान गुमाएका छन् । यो सँगै नेपालमा कोरोना भाइरसको संक्रमणबाट मृत्यु हुनेको संख्या १ हजार ९५९ जना पुगेको छ ।
हाल देशभर सक्रिय संक्रमितको संख्या ३ हजार ९१९ छ ।