काठमाडौं । काठमाडौंको नरेफाँटमा ‘नेचर सुपर मार्केटको पहिलो शाखा खुल्ने भएको छ ।
आइतबार प्रा.लि.का अध्यक्ष जनक धामीले भूमि पूजा गरी शाखाको शिलान्यस गरेका छन् ।
गत कात्तिकदेखि काठमाडौंको मैतीदेवीचोकबाट सञ्चालमा आएको नेचर सुपर मार्केटले सेवा विस्तार गर्ने क्रममा नरेफाँटमा शाखा खोल्न लागेको अध्यक्ष धामीले यस अनलाइनलाई बताए । फागुनको अन्तिम सातासम्म नरेफाँट शाखा सञ्चालनमा आइसक्ने समेत उनले बताए । व्यावसायिक क्षेत्रमा ३ दशक लामो अनुभव संगालेका व्यवसायीहरुको नेतृत्वमा नेचर सुपरमार्केट सञ्चालनमा आएको हो ।

‘उपभोक्ताको सन्तुष्टि, हाम्रो दायित्व’ नाराका साथ सञ्चालनमा आएको सुपरमार्केटले बजारको माग र आम उपभोक्ताको आवश्यकता अनुसार गुणस्तरीय खाद्यान्न तथा ग्रोसरी सामानहरु ग्राहकमाझ उपलब्ध गराइरहेको धामीले बताए । ‘नरेफाँट आसपासका उपभोक्तालाई सहज रुपमा खाद्यान्न तथा ग्रोसरी सामान उपलब्ध गराउन शाखाले सहयोग पुर्याउनेछ,’ उनले भने ।
यस प्रा.लि.ले काठमाडौं उपत्यकाको जुनसुकै ठाउँमा निःशुल्क होमडेलिभरी सेवा उपलब्ध गराइरहेको छ । २५०० रुपैयाँ भन्दा बढीको सामान खरिदमा निःशुल्क डेलिभरी सेवा प्रदान गरिरहेका छौं,’ धामीले भने । प्रा.लि.ले उपत्यकामा रहेका होटल, रेस्टुरेन्ट, होस्टेल, क्याटरिङ, क्यान्टिन, खुद्रा पसल लगायतका क्षेत्रहरुमा सुपथ मूल्यमा सामान उपलब्ध गराइरहेको धामीले बताए । ‘नरेफाँट शाखाको उद्घाटन लगत्तै काठमाडौं उपत्यका भित्र अन्य ठाउँमा पनि सेवा विस्तार गरिनेछ,’ उनले भने ।