झापा । झापाको शिवसताक्षी नगरपालिकाले नगरपालिकाभित्र ट्रयाक्टर जोताई सेवाशुल्कमा एकरुपता ल्याउने भएको छ ।
नगरपालिका प्रमुख प्रशासकीय अधिकृत सुनिता तुम्वाहाङ्फेले जेठ ६ गते एक सूचना जारी गरी नगरपालिकाको राजश्व परामर्श समितिको बैठकबाट उक्त निर्णय भएको हुँदा ट्रयाक्टर जोताई गर्दा सोही अनुसारको सेवा शुल्क लिन र दिन सबैलाई अनुरोध गरेकी छिन् ।

नगरपालिकाले इन्धन तथा अन्य सम्बन्धित वस्तुको मूल्यमा हुने परिवर्तनको आधारमा यो शेवाशुल्कमा समसामयिक परिमार्जन हुने पनि जनाएको छ । कल्टीभेटरबाट र तावा हलोबाट जोताई गर्दा प्रतिघण्टा २३ सय रुपैंयाँ र रोटाभेटरबाट जोताई गर्दा प्रतिघण्टा शुल्क २५ सय रुपैंयाँ लिन र दिन नगरपालिकाले अनुरोध गरेको छ ।