काठमाडौँ– सरकारका प्रवक्ता सस्मित पोखरेलले त्रिवि क्रिकेट मैदान नभत्किने बताएका छन् । शिक्षामन्त्रीसमेत रहेका पोखरेलले सोमबार मन्त्रिपरिषद् बैठकको निर्णय सुनाउँदै उनले त्रिवि क्रिकेट मैदान नभत्किने बताएका हुन्। सोमबार बिहान मात्रै उनले त्रिविका उपकुलपतिसँग कुरा भएको बताउँदै म्याद थपका लागि समन्वयन भइरहेको जानकारी दिए ।

नेपाल क्रिकेट संघ -क्यान)ले त्रिविको जग्गा लिज लिएर अन्तर्राष्ट्रिय स्तरको क्रिकट मैदान बनाएको भए पनि लिजमा लिएको समयावधि सकिएको भन्दै त्रिविले जग्गा खाली गर्न भनेको थियो ।

त्रिविले जग्गा खाली गर्न भनेसँगै क्रिकेट मैदान भत्किने त होइन भन्ने चिन्ता सार्वजनिक वृत्तमा उठेको थियो । प्रवक्ता पोखरेलले सञ्चारकर्मीको जवाफको उत्तर दिँदै भने– दुवै -क्यान र त्रिवि) सरकारी निकाय हुन् मैदान भत्किँदैन।’