काठमाडौं । आफ्नै पार्टीको आइतबारको स्थायी समिति बैठकमा प्रधानमन्त्रीसमेत रहेका अध्यक्ष केपी शर्मा ओली गएनन् । आफू अल्पमतमा पर्ने भएपछि बैठक नै वहिष्कार गरेका ओलीले अब के गर्लान् भन्ने प्रश्न उब्जिएको छ ।
आफू अनुकुल निर्णय हुँदा खुशी भएर जाने र विरोधमा निर्णय हुने भए अथवा आफूलाई केही चित्त नबुझे बैठक नै वहिष्कार गर्ने गरेका ओलीलाई पार्टी अध्यक्ष र प्रधानमन्त्रीबाट नै हटाउने अर्को पक्षको योजना सफल होला कि नहोला ? ओलीले सचिवालयको बैठक पनि वेवास्ता गर्दै आएका छन् । पार्टीका सर्वोच्च निकाय मानिएको सचिवालयमा ९ सदस्यमध्ये ओलीका ४ जनामात्र छन् । पार्टीका कार्यकारी अध्यक्ष पुष्पकमल दाहाल प्रचण्डले प्रस्तुत गरेको प्रतिवेदन फिर्ता लिनुपर्छ भन्ने ओलीको अडान यथावत छ ।
प्रचण्डको जवाफ ओलीले पनि दिइसकेका छन् । ओलीले प्रचण्डको प्रतिवेदनलाई आरोपपत्रको संज्ञा दिएका छन् । आगामी आइतबार पनि स्थायी समिति बैठक बोलाइएको छ । आइतबार सचिवालयका ४४ जना सदस्यलाई नै दुवै अध्यक्षको प्रतिवेदन अध्ययनको लागि दिइएको छ । ओलीले पार्टीले गरेको कुनै पनि निर्णय नमान्ने भन्दै आएका छन् । ओली विरोधी पक्ष भने पार्टीले ओलीलाई प्रधानमन्त्री र पार्टी अध्यक्ष बनाएकाले पार्टीले गरेको जस्तोसुकै निर्णय पनि ओलीले मान्नुपर्ने भन्दै आएको छ । आइतबार फेरि स्थायी समितिको बैठक बस्दै छ ।
ओलीले भने जनताले आफूलाई ५ वर्षका लागि प्रधानमन्त्री बनाएको भन्दै आएका छन्, उनी झापा ५ बाट प्रतिनिधिसभामा निर्वाचित भएका हुन् । उनलाई जनताले नभई संसदीय दलले प्रधानमन्त्री बनाएको हो तर सरकार र पार्टी नै आफ्नोमात्र हो भनेजस्तो व्यवहार गरेकाले ओली एकपछि अर्को गरी संकटमा पर्दै आएका छन् । स्थायी समितिले प्रधानमन्त्रीबाट हटाउने र अर्को विकल्प खोज्ने निर्णय ग¥यो भने उनी के गर्छन् भन्ने प्रश्न पनि सँगै उब्जिएको छ । मंसिर २५ गते बोलाइएको केन्द्रीय समितिको बैठक पनि पौष ५ गतेका लागि सरेको छ । पार्टीमा कुनै पनि छलफल नगरी ओली एकलौटी ढंगले चलेकाले आलोचना भइरहेको छ ।