काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले आफ्नो पार्टीको उकालो यात्रा सुरु भएको बताएका छन् ।

मोहन वैद्य नेतृत्वको क्रान्तिकारी कम्युनिष्ट पार्टी नेपालका नेताहरूलाई बुधबार पार्टीमा स्वागत गर्दै अध्यक्ष प्रचण्डले पार्टी विभाजनपछिको आरोलो यात्रा सकिएर अब उकालो यात्रा सुरु भएको बताएका हुन् ।

‘जनयुद्ध, शान्ति प्रक्रिया र २०६४ को संविधानसभा निर्वाचनसम्म आइपुग्दा माओवादी जनताको सबैभन्दा भरोसायोग्य र पहिलो पार्टी बनेको थियो,’ उनले भने, ुतर, विभाजनपछि सुरु भएको माओवादीको आरोलो यात्रा सकिएर अब उकालो लाग्न सुरु भएको छ, यो यात्रा रुपान्तरणसहित निरन्तर अघि बढ्ने छ ।’

उनले जनताले माओवादी एकताबद्ध भएको देख्न चाहेको र त्यसको वातावरण पनि बन्दै गएको बताए । पार्टी एकताका लागि विभिन्न माओवादी घटकसँग छलफल भइरहेको र नेता(कार्यकर्ताको स्वस्फुर्त ध्रुवीकरण पनि चलिहरहेको उल्लेख गर्दै अध्यक्ष प्रचण्डले जनयुद्धको तयारी, जनयुद्धको सञ्चालन र शान्ति प्रक्रियाको पनि मुख्य नेतृत्व हुनुको हैसियतले आफूले सबैलाई गोलबन्द गर्दै अघि बढ्ने बताए ।

जनतामा माओवादी पार्टी र प्रचण्डप्रति विश्वास बढेको बताउँदै उनले विभिन्न जिल्लामा जाँदा २०६४ कै झल्को आउने गरी जनआकर्षण देखिन थालेको बताए । क्रान्तिकारी कम्युनिष्ट पार्टीका केन्द्रीय सदस्य डा। थारु ‘शेरमान’, लुम्बिनी प्रदेश सदस्यहरू वीरबहादुर विक, तुकलाल पुन, माया थापा, नन्दकिशोर यादव र कपिलवस्तु जिल्ला सदस्य रामप्रसाद खनाल माओवादी केन्द्रमा प्रवेश गरेका छन् ।