काठामाडौँ/ तात्कालीन राजा ज्ञानेन्द्र शाहलाई भुटानमा भव्य स्वागत गरिएको छ । परिवारका सदस्यसहित भुटान भ्रमणमा रहनु भएका शाहलाई भुटानी राजकुमारीले विमानस्थलमै स्वागत गरेकी थिइन् ।
‘राजा’ सँगै उहाँकी छोरी प्रेरणा तथा पारिवारिक सदस्यहरु शिताष्मा शाह, राजेश सिंह र स्वकीय सचिव सागर तिमल्सिना भुटान पुगेका हुन् । निजी भ्रमण बताइएको उक्त भ्रमणको अवधिमा उहाँहरुले भुटानको धार्मिक क्षेत्र भ्रमण गर्ने बताइएको छ । यसैगरी विभिन्न व्यक्तित्वहरुसँग भेटघाट गरी ‘राजा’ को टोली आइतबार नेपाल फर्कने स्वकीय सचिव तिमल्सिनाले जानकारी दिनु भयो ।
राजतन्त्रात्मक व्यवस्था रहेको भुटानमा ‘राजा’ को यो भ्रमणलाई राजनीतिक वृत्तमा अर्थपूर्ण रुपमा हेरिएको छ ।