काठमाडौं । पूर्वराष्ट्रपति डा. रामवरण यादवले धर्मलाई राजनीतिसँगै जोडेर हेर्ने परिपाटिका कारण समाज विखण्डनतर्फ बढिरहेको भन्दै चिन्तासमेत व्यक्त गरेका छन् ।

मिथिला मध्यमा परिक्रमाको उद्घाटन गर्दै यादवले धर्ममा राजनीति हुँदा समाजमा विकृति बढेको भन्दै धार्मिक कार्यक्रममा समाज उत्थानका कुरा हुनुपर्ने बताए ।

‘धर्ममा पनि राजनीति हुँदा समाजमा विकृति बढ्दै गइरहेको छ, यसलाई हामीले रोक्नु पर्छ,’ उनले भने, ‘धार्मिक कार्यक्रमहरुमा समाज उत्थानको कुरा हुनुपर्छ, समाजलाई कसरी जोड्ने त्यसतर्फ छलफल हुनुपर्छ न कि यस्ता कार्यक्रमहरुमा समेत नेता कार्यकर्ताहरुलाई बोलाएर तामझाम गर्नुपर्छ ।’