बुटवल । धार्मिक कार्यक्रममा सहभागी हुन पूर्वराजा ज्ञानेन्द्र शाह उनकी पत्नी कोमल शाहसहित रुपन्देही पुगेका छन् ।

भैरहवा विमानस्थल ओर्लेका शाहलाई उनी समर्थक र राप्रपाका नेता कार्यकर्ताले भव्य स्वागत गरेका छन् । शाह विमानस्थलबाट तारे होटेल सिद्धार्थ भिलासासम्म आफै कार चलाएर गएका थिए । सो अवसरमा समर्थकले नौमती बाजाले उनलाई स्वागत गरिएको थियो ।

शाहले भैरहवालाई मुकाम बनाएर लुम्बिनी प्रदेशका रुपन्देही, कपिलवस्तु, नवलपरासी लगायतका जिल्लाका धार्मिकस्थलको अवलोकन गर्ने कार्यक्रम रहेको पूर्वराजालाई अभिनन्नदन गर्न गठित मूल समितिका संयोजक डा. रामप्रसाद बस्यालले बताए ।