काठमाडौं । नक्कली शैक्षिक प्रमणपत्र बनाएको आरोपमा नेपाल ख्रीस्टियन महासंघका निलम्बित अध्यक्ष चरीबाबु गहतराज (सीबी) पक्राउ परेका छन्।

गहतराज मंगलबार काठमाडौंबाट पक्राउ परेका हुन् । विवादित धर्मगुरुको पहिचान बनाएका गहतराजले नक्कली शैक्षिक प्रमाणपत्र बनाएको उजुरी परेको थियो । उजुरीमाथि छानबिन हुँदा प्रमाणीत भएपछि उनलाई नियन्त्रणमा लिईएको प्रहरीले जनाएको छ । उनले त्रिविबाट स्नातक पास गरेको नक्कली शैक्षिक प्रमाणपत्र पेश गरेर महान अभियान नामक पत्रिका चलाईरहेका थिए । उक्त पत्रिका क्रिश्चियन धर्मप्रचारको मुखपत्रको रुपमा प्रकाशीत हुँदै आएको थियो ।

ललितपुरको गोदावरीका गहतराजको शैक्षिक प्रमाणपत्र छानबिन माग गर्दै गत भदौ ३ गते उजुरी परेको थियो।