काठमाडौं । सरकारले हरेक दुई वर्षमा वृद्धि गर्नुपर्ने पारिश्रमिक वृद्धि नगरी पछि मजदुरहरु आन्दोलित हुन थालेका छन् । न्यूनतम पारिश्रमिक रु २५ हजार हुनुपर्ने, सामाजिक सुरक्षामा कार्यक्रम मा मजदुरहरुलाई समावेश गरिनुपर्ने, अन्तर्राष्ट्रिय कामदारसम्बन्धी महासन्धिहरूको पालाना हुनुपर्ने, बिमा तथा अन्य सुविधाहरु उपलब्ध गर्नुपर्ने लगायतका मागहरु राखी मजदुरहरु आन्दोलित हुन लागेका हुन ।

नेकपा एमाले उपत्यका बिषेश प्रदेश कमिटी अन्तर्गत रहेको मजदुर विशेष जिल्ला कमिटीले उपत्यकाका सवै पालिकाहरूमा प्रशिक्षण कार्यक्रम गरी मजदुरहरूलाई उनीहरूको अधिकारबारे सुसूचित गराएको छ ।

यसैक्रममा ललितपुर महानगरपालिकामा आज एमालेका केन्द्रीय सदस्य एवं मजदुर विशेष जिल्ला कमिटीका इञ्चार्ज गोविन्दप्रसाद दुलालले ललितपुरको प्रशिक्षण कार्यक्रममा बोल्दै मजदुरहरूका बारेमा नेपाल ट्रेड युनियन महासंघले बुझाएका मागहरू मागहरूको १५ दिनभित्र सम्बोधन नगरे थप आन्दोलनका कार्यक्रमहरु कार्यक्रमहरु अगाडी बढाउने चेतावनी दिएका छन् । उक्त प्रशिक्षण कार्यक्रममा बोल्दै दुलालले भने ‘’प्रत्येक वर्ष थपिने पाँच लाख थप जनशक्ति बारे सरकारले नीति बनाउन नसक्नुका कारण बाट भारतबाहेक अन्य मुलुकमा मात्रै झण्डै चालीस लाख नेपाली कामदारका रुपमा विदेशमा बस्नुपरेको छ । हरेक दिन करिब एक हजार पाँच सय श्रमिक त्रिभुवन अन्तर्राष्ट्रिय विमानस्थलबाट बाहिरिदा समेत सरकारले देखेको नदेखी गरेको छ । विप्रेषणले बाट प्राप्त रकमलाई उत्पादनमा लगाउन सकिरहेको छैन । जसले गर्दा स्वदेशमा रोजगारी सिर्जना गर्नमा यो रकम उपयोग हुने तर्फ सरकारले कुनै नीति नबनाउनु दुर्भाग्य पूर्ण हो ।”