अस्ट्रेलियासँगको तीन खेलकाे टी–२० शृङ्खला इङ्ग्ल्यान्डले एक खेलअघि नै जितेको छ ।

आज बुधवार क्यानबेरामा भएको दोस्रो खेल आठ रनले जितेसँगै इङ्ग्ल्यान्डले तीन खेलको शृङ्खला एक खेलअघि नै जितेको हो ।

इङ्ग्ल्यान्डले दिएको एक सय ७९ रनको लक्ष्य पछ्याएको अस्ट्रेलियाले ६ विकेट गुमाएर एक सय ७० रनमात्रै बनाउन सक्यो ।

अस्ट्रेलियाका लागि मिचेल मार्सले सर्वाधिक ४५ र टिम डेविडले ४० रन बनाए । बलिङतर्फ इङ्ग्ल्यान्डका साम कुरनले तीन विकेट लिए ।

यसअघि पहिले ब्याटिङ गरेको इङ्ग्ल्यान्डले डेविड मलानको ८२ र मोइन अलीको ४४ रन मद्दतमा सात विकेट गुमाएर एक सय ७८ रन बनाएको थियो ।

बलिङतर्फ अस्ट्रेलियाका मार्कस स्टाेइनिसले तीन विकेट लिए । तेस्रो खेल पर्सि शुक्रवार हुनेछ । यस्तै आइतवारदेखि टी–२० विश्व कप क्रिकेट सुरु हुनेछ ।