एक व्यक्तिलाई दुबई विमानस्थलमा अधिकारीहरूले अनियमित व्यवहार र पेशावरबाट पाकिस्तान इन्टरनेशनल एयरलाइन्स (पीआईए) को उडानमा गडबड गरेको आरोपमा प,क्राउ गरेर पाकिस्तान पठाइएको छ ।

स्रोतका अनुसार बुधवार पेशावरबाट दुबईका लागि उडेको पीआईएको उडान पीके–२८३ मा एक पुरुष यात्रु चढेका थिए ।

विमान उड्ने बित्तिकै उनले केबिन क्रुलाई (चालक दललाई) विमानबाट झार्न आग्रह गर्न थाले । त्यसपछि उनले सिटमा मुक्का र लात हान्न थालेको भिडियो देख्न सकिन्छ ।

झ्यालको शटरमा पनि क्षति पुर्याए, जसले यात्रुहरूमा त्रा,स फैलियो । दुबई आइपुगेपछि केबिन क्रुले यात्रुलाई सुरक्षाको माध्यमबाट एस्कर्ट गरे ।

त्यसपछि स्थानीय अधिकारीहरूले पीआईए व्यवस्थापनलाई जानकारी दिए, जसले यात्रुलाई फिर्ता ल्याउन इस्लामाबादबाट तुरुन्तै दुई सदस्यीय टोली पठायो ।

घ,टनाको भिडियो फुटेजमा उडान परिचारकहरूले यात्रुलाई शान्त पार्न प्रयास गरिरहेको देखाइएको छ, यात्रुलाई सो व्यवहार गर्नबाट टाढा रहन अनुरोध गरिएको छ ।

चालक दलका सदस्यहरूका अनुसार यात्रुले बीचमा अजान र प्रार्थना गर्न थाले र त्यसपछि त्यहीँ सुतेका पनि थिए । लामो प्रयासपछि यात्रुको हात खुट्टा बाँधेर उड्डयन प्रक्रियाअनुसार नियन्त्रणमा लिइएको प्रवक्ताले जानकारी गराए ।