संसारको रितै यस्तै छ समाजको संस्कारै यस्तै छ । सम्बन्धहरु प्रायजसो स्तर हेरेर गाँस्ने वा गाँसिदिने गरिन्छ । गरिबसँग गरिब धनीसँग धनी, अपांगसँग अपांग यस्तै यस्तै । जीवनसाथी जिन्दगीको लागि एकै रथका दुइ पांग्रा पनि भनिन्छ तर त्यही जिन्दगीका दुबै पांग्रा कमजोर भयो भने त्यो जिन्दगी गुडाउन कति अप्ठारो होला ?
आज हामी रुपन्देही सैनामैनाका यी सानु थारु र करिस्मा थारुको यस्तै दुखादायी जीवन भोगाइको कथा तपाईंहरु सामु प्रस्तुत गर्दैछौं ।

सानु थारु र करिस्मा दुवै आँखा देख्दैनन् तर यी दुवै जन्मजात दृष्टीबिहिन भने हैनन् । पछि दुर्घटनामा परेर यस्तो भएका रहेछन् । करिस्मा ५ वर्षको उमेरमा घरको छत बाट खसेर आफ्नो दृष्टी गुमाएकी रहेछिन भने सानु त २२ वर्षसम्म राम्रो यो संसार देखेका रहेछन् । तर आँखामा लागेको चोटको सही उपचार नपाएको कारण दुवै आँखाको ज्योति गुमाएका रहेछन् ।

अहिले सानुको परिवारमा ७ जना रहेछन् ५ सन्तान छन् आम्दानी गर्ने कुनै खास बाटो छैन । परिवार चलाउन कति गाह्रो छ कुरा गरि साध्य छैन ।

हुन त सानुका सबै आफन्त रैछन् आमा बाबा दाजु भाइ सबै तर जव सानुले आँखा देख्न छोडे त्यस पछि उनलाई घरबाट केही पनि नदिएर निकालिएको सानुले गुनासो गरे ।

हुनत सानुको करिस्मासँग दोस्रो बिबाह रैछ । उनकी पहिलेकी श्रीमती ठीक थिइन रे उनी हुँदा सजिलो पनि थियो रे तर दुखी सानु माथि दैव लाग्यो ती नै श्रीमती पनि बितेपछि धेरै दुख पाएका रहेछन् । ५ सन्तान मध्य ४ छोरी उनी पहिली श्रीमतीबाट भएका रहेछन् ।