काठमाडौं । जापानको आइची–नागोयामा जारी २०औँ एसियाली खेलकुदको पुरुष क्रिकेटको शनिबार नेपाल र जापानबीच खेलिएको खेल अनिर्णित रूपमा सकिएको छ ।

लगातारको वर्षाका कारण निर्धारित समयमा शुरू हुन नसकेपछि नेपाल र जापानबीचको खेल १५–१५ ओभरमा झारिएको थियो । टस हारी पहिलो ब्याटिङको निम्तो पाएको नेपालले निर्धारित १५ ओभरमा चार विकेट गुमाएर एक सय ४९ रन बनाएको थियो ।

नेपालको पाली सकिएपछि पुनः वर्षा शुरू भएकाले खेल अगाडि बढ्न सकेन । त्यसपछि खेल अनिर्णित रूपमा सकिएको हो । यो खेलबाट दुवै टोलीले एक–एक अंक हात पारे । त्यसपछि नेपाल तीन अंकसहित समूह ‘ए’को विजेताका रूपमा क्वार्टरफाइनलमा पुग्न सफल भयो ।

यसअघि, आफ्नो पहिलो खेलमा नेपालले बलियो प्रतिद्वन्द्वी अफगानिस्तानलाई पाँच विकेटले पराजित गरेको थियो ।