काठमाडौं । लामो रस्साकस्सीपछि नेपाली कांग्रेसले संसदीय दलको नेताको जिम्मेवारी भीष्मराज आङ्देम्बेलाई दिएको छ । पार्टी सभापति गगन थापाले आङ्देम्बेलाई दलको नेतामा निर्वाचित भएको प्रमाणपत्र दिए ।

उनलाई आज बसेको संसदीय दलको बैठकले सर्वसम्मत रूपमा दलको नेता चयन गरेको थियो । अन्य दलहरूले यसअघि नै दलको नेता चयन गरेपनि कांग्रेसले भने लामो समयसम्म दलको नेता बनाउन सकेको थिएन ।

आङ्देम्बे कांग्रेसको समानुपातिक सांसद हुन् । त्यसैगरी पार्टीले प्रमुख सचेतकमा बासना थापालाई चयन गर्ने निर्णय गरेको छ । थापा दैलेख १ बाट निर्वाचित सांसद हुन् । त्यस्तै पार्टीले सचेतकमा निष्कल राईलाई चयन गर्ने निर्णय गरेको स्रोतले जानकारी दिएको छ ।