रुपन्देही । गाइ–गोरुको मासु खान पाउनुपर्ने भन्दै बाँकेको क्षेत्र नं ३ मा राष्ट्रिय स्वतन्त्र पार्टी (रास्वपा)बाट उम्मेदवार बनेका खगेन्द्र सुनारले दिएको अभिव्यक्तिप्रति आपत्ति जनाउँदै लुम्बिनी प्रदेश सभामा सांसदले नै कारबाहीको माग गरेका छन् ।

प्रदेश सभा सदस्य अम्बिका काफ्ले बुधबार यस विषयमा गम्भीर ध्यानाकर्षण गर्दै यस्ता अभिव्यक्ति दिने जोसुकैलाई कानुनअनुसार ३ वर्ष कैद हुनुपर्ने माग गरेकी हुन् । दुई दिनअघि सार्वजनिक भिडियोमा सुनारले अरु जनावरजस्तै गाईगोरु खान चाहनेले पाउनुपर्ने बताएका थिए तर चौतर्फी विरोध भएपछि आफूले त्यसो आशयमा नभनेको भन्दै खण्डन गरेका छन् ।

प्रदेश सभाको बैठकमा सांसद काफ्ले सुनारको नाम नदिई बाँकेमा उम्मेदार नै बनेका व्यक्तिबाट आएको यस्तो अभिव्यक्तिले सामाजिक र धार्मिक सद्भावमा गम्भीर असर परेको भन्दै कारबाही माग गरेकी हुन् ।

‘संविधानको धारा ४ मा धर्मनिरपेक्षता प्रष्ट उल्लेख छ, तर गाईगोरुको मासु खान पाउने विषय किन आयो रु सामाजिक र धार्मिक सद्भाव खलबलिने अभिव्यक्ति कोही कसैले दिन पाइदैँन, चाहे जुनसुकै दलको होस्, मुलकी अपराध संहिताले गाईगोरु मार्नकुट्न पाइदैन भनेर यसका लागि ३ वर्ष थुनिनुपर्छ भन्ने सजाय तोकेको छ, यस्ता गमभीर विषयले भोलि धार्मिक हिंसा भड्किए कसले जिम्मेवारी लिने रु सनातनीहरुले पुज्ने गाईगोरुमाथि किन यस्तो धारणा सार्वजनिक भयो ? यसको अभिव्यक्ति दिनेले जिम्मेवारीबोध हुनुपर्छ । कारबाही भोग्नुपर्दछ, म प्रदेश सभामार्फत सरकारको ध्यानाकर्षण गराउँछु,’ उनले भनेकी छन् ।