भक्तपुर क्षेत्र नं. २ का राप्रपा उम्मेदवार बिक्रम थापाको समर्थकद्वारा मनकामना माईको दर्शन
भक्तपुर । भक्तपुरका वरिष्ठ पत्रकार सुरेन्द्र बहादुर सिलवालले राष्ट्रिय प्रजातन्त्र पार्टी (राप्रपा) का भक्तपुर क्षेत्र नं. २ का उम्मेदवार बिक्रम थापाको समर्थकद्धारा गरिएको मनकामना माईको दर्शन देशको लागि राम्रो भएको बताए । पार्टीका समर्थक तथा शुभेच्छुकहरूले गोरखास्थित प्रसिद्ध शक्तिपीठ मनकामना माईको दर्शन तथा पूजा–अर्चना गरेकोमा उम्मेदवार थापा खुशी छन्।
धार्मिक आस्था र राष्ट्रिय भावनासँग जोडिएको यस कार्यक्रममा राप्रपाका स्थानीय नेता–कार्यकर्ता, समर्थक तथा विभिन्न क्षेत्रका शुभेच्छुकहरूको उल्लेखनीय सहभागिता रहेको थियो। पूजा–अर्चनाका क्रममा देशमा शान्ति, स्थिरता, सुशासन र राष्ट्रिय एकताको कामना गरिएको सहभागीहरूले बताएका छन्।
मनकामना माईको दर्शनपछि सहभागी समर्थकहरूले राप्रपाले अघि सारेका मूल राजनीतिक एजेन्डाहरू—हिन्दू राष्ट्रको पुनःस्थापना, संघीयताको खारेजी र अभिभावकीय राजसंस्थाको व्यवस्था—प्रति पूर्ण समर्थन रहेको स्पष्ट पारे। उनीहरूका अनुसार नेपालको मौलिक पहिचान, संस्कृति र परम्पराको संरक्षणका लागि यी एजेन्डा अपरिहार्य भइसकेका छन्।
भक्तपुर जिल्ला कार्यसमिति सदस्य सन्तोष सिलवालले नेपाल ऐतिहासिक रूपमा सनातन हिन्दू राष्ट्र रहेको स्मरण गराउँदै वर्तमान धर्मनिरपेक्ष व्यवस्थाले जनभावनालाई सम्बोधन गर्न नसकेको धारणा व्यक्त गरे। “बहुसंख्यक नेपाली जनताको आस्था र संस्कृतिलाई सम्मान गर्दै नेपाललाई पुनः हिन्दू राष्ट्र घोषणा गरिनुपर्छ,” सिलवालको भनाइ थियो।
समर्थकहरूले अभिभावकीय राजसंस्था राष्ट्रको एकता, स्थायित्व र राष्ट्रिय स्वाधीनताको प्रतीक भएको उल्लेख गर्दै राजसंस्थाको पुनःस्थापनाले देशलाई सही दिशामा लैजान सक्ने विश्वास व्यक्त गरे। उनीहरूका अनुसार दलगत राजनीतिभन्दा माथि रहने अभिभावकीय संस्था आजको आवश्यकता हो।
मनकामना माईको दर्शनलाई केवल धार्मिक कर्म मात्र नभई, राष्ट्र, धर्म र परम्पराप्रतिको प्रतिबद्धताको रूपमा लिइएको समर्थकहरूको भनाइ छ। आगामी निर्वाचनमा भक्तपुर क्षेत्र नं। २ बाट राप्रपाका उम्मेदवारलाई विजयी गराउन आफूहरू संगठित र प्रतिबद्ध रहेको उनीहरूले बताएका छन्।
पार्टी स्रोतका अनुसार भक्तपुर क्षेत्र नं. २ मा राप्रपाको चुनावी माहोल क्रमशः सकारात्मक बन्दै गएको छ। युवादेखि वृद्धसम्म पार्टीका एजेन्डाप्रति आकर्षण बढ्दै गएको र जनसमर्थन मजबुत हुँदै गएको दाबी राप्रपाको छ।
ताजा
पद्मावती-सुनन्दा साङ्गीतिक साँझ सम्पन्न
२०८३ कार्तिक १५ गते, आईतवार
पद्मावती-सुनन्दा साङ्गीतिक साँझ सम्पन्न
२०८३ कार्तिक १५ गते, आईतवार
गोकर्णेश्वर इसाई समाजद्वारा खुला रक्तदान कार्यक्रम सम्पन्न
२०८३ कार्तिक १० गते, मंगलवार
विश्व सोतोकान कराते च्याम्पियनसिपमा नेपालको प्रतिनिधित्व गर्दै चित्रप्रसाद श्रेष्ठ
२०८३ आश्विन २५ गते, आईतवार
प्रसिद्ध बलिउड अभिनेता नाना पाटेकरको निधन
२०८३ आश्विन २२ गते, बिहीबार
मर्मतसम्भार गर्नुपर्ने भएकाले मनकामना केबलकार आज बन्द हुने
२०८३ आश्विन २० गते, मंगलवार
दाङ, बर्दिया र कैलालीमा भारी वर्षा
२०८३ आश्विन २० गते, मंगलवार
काँग्रेस महाधिवेशनः १० बजेदेखि दिउँसो ३ बजेसम्म उम्मेदवारको मनोनयन दर्ता
२०८३ आश्विन २० गते, मंगलवार
लिङ्देनको चेतावनीः अहिले देश लिग बाहिर गएको छ
२०८३ आश्विन १८ गते, आईतवार
काँग्रेसको १५औं महाधिवेशनः गगन थापाको राजनीतिक प्रतिवेदनः सरकारलाई खबरदारीदेखि कांग्रेस पुनर्संरचनासम्म २९ प्रस्ताव
२०८३ आश्विन १८ गते, आईतवार
‘छत्तीसको आँकडा’को रिलिज मिति घोषणा
२०८३ आश्विन १८ गते, आईतवारलोकप्रिय
बाैद्ध जागरणले गर्याे बाढीमा ज्यान गुमाएका २६० जनाकाे नि:शुल्क घेवा पुजा
२०८३ आश्विन १६ गते, शुक्रबार
प्रधानमन्त्री बालेन्द्र शाहद्वारा आकस्मिक मन्त्रिपरिषद् बैठक आह्वान
२०८३ भाद्र १० गते, बुधबार





