काठमाडौं, । राष्ट्रिय स्वतन्त्र पार्टी (रास्वपा) र विवेकशील साझा पार्टी ५ बुँदे सहमतिपत्रमा हस्ताक्षर गर्दै औपचारिक रूपमा एकीकृत भएका छन्।

आईतवार काठमाडौंमा आयोजित कार्यक्रममा दुई पार्टीका शीर्ष नेताहरूले पार्टी एकीकरण भएको घोषणा गरेका हुन्।दुई दलबीच भएको सहमतिपत्रमा रास्वपाका तर्फबाट कार्यवाहक सभापति डोलप्रसाद अर्याल र उपाध्यक्ष डा। स्वर्णिम वाग्ले तथा विवेकशील साझाका तर्फबाट अध्यक्ष समीक्षा बाँस्कोटा र उपाध्यक्ष प्रकाशचन्द्र परियारले हस्ताक्षर गरेका छन्।

सहमति अनुसार एकीकृत पार्टीको नाम ‘राष्ट्रिय स्वतन्त्र पार्टी’ नै रहनेछ भने चुनाव चिन्ह पनि ‘घण्टी’ नै कायम हुनेछ। विवेकशील साझा पार्टीले रास्वपाको राजनीतिक सिद्धान्त र नेतृत्वलाई निःशर्त स्वीकार गरेको सहमतिपत्रमा उल्लेख छ।

एकीकरण सम्बन्धी निर्वाचन आयोग सम्बद्ध कानूनी प्रक्रिया पूरा गर्न राष्ट्रिय स्वतन्त्र पार्टी र विवेकशील साझा पार्टीबाट आवश्यक दस्तावेजहरु तयार गर्दै पार्टीका नाममा रहेका चल(अचल सम्पत्तिको व्यवस्थापन आपसी समझदारीमा शीघ्र सम्पन्न गर्ने र राष्ट्रिय स्वतन्त्र पार्टीको राजनीतिक सिद्धान्त र नेतृत्व निःशर्त स्वीकार्दै निष्ठा र मूल्य(मान्यतामा आधारित वैकल्पिक राजनीतिको प्रवर्द्धनमा स्व। उज्वल थापा एवं ‘विवेकशील अभियान’को योगदानलाई दस्तावेजीकरण गरी मान्यता दिने लगायत कुरामा दुबै दल सहमत भएको सहमतिपत्रमा उल्लेख छ ।

राष्ट्रिय स्वतन्त्र पार्टीको पहिलो ऐतिहासिक राष्ट्रिय महाधिवेशन सम्मका लागि बनाइएको विशेष संयन्त्र संघीय नेतृत्व मञ्चमा विवेकशील साझा पार्टीबाट एकीकरणको प्रक्रियाबाट आउने नेताहरुलाई आपसी समझदारीमा मनोनयन गर्नेसमञ्चका सदस्यहरुको वरियता केन्द्रीय समितिको सदस्य सरह हुनेसविवेकशील साझा पार्टीका सदस्य र सल्लाहकारहरुलाई केन्द्रीय,प्रादेशिक र स्थानीय तहगत संरचनामा समुचित समायोजन गरि जिम्मेवारी तोक्दा योग्यता, समावेशिताको सिद्धान्त र सार्वजनिक छविलाई आधार मान्ने पनि दुई दल बीच सहमति भएको छ ।