काठमाडौँ । नेकपा एमालेका महासचिव शंकर पोखरेलले संसद् विघटन हुनुलाई विडम्बनापूर्ण भएको बताएका छन् ।

शुक्रबार सामाजिक सञ्जालमार्फत महासचिव पोखरेलले विगतमा बहुमतको प्रधानमन्त्रीले संसद् विघटन गर्दा त्यसलाई असंवैधानिक भन्दै मुद्दा हाल्ने र फैसला सुनाउनेहरू अहिले स्वयं विघटनतर्फ अग्रसर हुनु विडम्बनापूर्ण विषय भएको बताएका हुन् । साथै उनले सबैलाई सतर्क रहन र खबरदारी गर्न आग्रह गरेका छन् ।

‘
शुक्रबार साँझ जेनजीको माग अनुसार संसद् विघटन गर्ने र प्रधानमन्त्री सुशीला कार्कीलाई नियुक्त गर्ने सहमतिपछि पोखरेलले यस्तो बताएका हुन् । यस्तै एमाले सांसद सूर्य थापाले पनि संसद् विघटनको विरोध गरेका छन् ।