काठमाडौँ । नेकपा माओवादी केन्द्रका सांसद वर्षमान पुनले प्रतिपक्षी साना दललाई नपेल्न सरकारलाई आग्रह गरेका छन्। भिजिट भिसा प्रकणमा राष्ट्रिय प्रजातन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा) ले संसद् अवरुद्ध गरेका छन्।

तर सभामुख देवराज घिमिरेले उनीहरूको अवरोधकै बीचमा संसद् चलाएका छन्। बजेटमाथि छलफलमा भाग लिँदै पुनले साना दलसँग छलफल गर्न सरकारलाई आग्रह गरे। उनले माओवादीलाई सहमतिमा ल्याइहाल्यौँ भनेर प्रतिशोधपूर्ण व्यवहार नगर्ने आग्रह गरे।

‘प्रमुख प्रतिपक्षी दल सहमतिमा आइसक्यो अब पेले पनि हुन्छ भन्ने ठानिनु हुँदैन। किनभने को, कहिले को प्रतिपक्षी हुन्छ। यो चलिरहन्छ। त्यसैले सानो दल छ केही प्रतिशोध भए देखाइहालौँ भनेर नगरौँ। सत्तापक्षले यस्तो गर्न मिल्दैन’, उनले भने।