काठमाडौं । अर्थमन्त्री वर्षमान पुनले अहिले संघीय संसदको दुवै सदनको संयुक्त बैठकमा बजेट प्रस्तुत गर्दैछन् ।

बजेटको आकार लगभग १९ खर्ब रहेको स्रोतले जनाएको छ । राष्ट्रिय योजना आयोगले तोकिदिएको १८ खर्बको सिलिङमा केही थपेर बजेट ल्याउन लागिएको अर्थमन्त्रालय स्रोतले जानकारी दियो । ​

यसपालीको बजेट पेश गर्ने ब्रिफकेश भने केही नौलो खालको हुनेछ ।मंगलबार प्रधानमन्त्री कार्यालयमा अर्थमन्त्री पुनको हातमा नयाँ ब्रिफकेश देखिएको थियो । उनको सचिवालयले उक्त ब्रिफकेश नेपालमै बनेको जानकारी दियो ।

अल्लो र ढाकाको मिसाएर ब्रिफकेश बनाइएको बताइएको छ । उक्त सामान रोल्पाबाट ल्याइएको र ठेमलका कालिगढले बनाएको बताइन्छ । उक्त ब्रिफकेशमा ८० प्रतिशत अल्लो र २० प्रतिशत ढाका रहेको छ ।यसको मूल्य २५ सय नेपाली रुपैयाँ परेको बताइएको छ ।