काठमाडौं । लायन्स अन्तराष्ट्रीय डिष्ट्रिक्ट ३२५ के नेपालको तेस्रो क्याबिनेट बैठक आगामी माघ २६ र २७ गते बागलुङ बजारमा हुने भएको छ ।

डिष्ट्रिक्ट गभर्नर सुचित्रा थापाको अध्यक्षता लायन्स अन्तर्राष्ट्रिय डाइरेक्टर बालकृष्ण बुर्लाकोटीको प्रमुख आथित्यमा हुने संसारकै ठूलो अनि पुरानो सामाजिक संस्था लायन्स अन्तराष्ट्रिय अन्तर्गतको डिष्ट्रिक्ट ३२५ के सामाजिक सेवामा अग्रसर डिष्ट्रिक्ट हो । लायन्सको अन्तर्राष्ट्रिय नियम अनुसार प्रत्येक ३ महिनामा हुने यो तेस्रो बैठक भएको र बैठकमा यसभन्दा अगाडि भएको कामहरूको समीक्षा तथा भावी कार्ययोजना बारेमा छलफल हुने डिष्ट्रिक्ट गभर्नर थापाले बताउनु भयो ।

धार्मिक एवं पर्यटकीय स्थल बागलुङ बजारमा हुने तेस्रो क्याबिनेट बैठकमा उपस्थित लायन मित्रहरुले कार्यक्रममा सहभागी हुनुको साथै प्रसिद्ध कालिका भगवती मन्दिरको दर्शन पञ्चकोट धार्मिकस्थलको दर्शन एवं दृष्यावलोकन गर्ने सालिकाग्राम संग्रालयको भ्रमण तथा कालीगण्डकी गोल्डेन ब्रिजको भ्रमण गर्ने अवसर भएको र कार्यक्रमको सम्पूर्ण तयारी भएको र क्याबिनेटमा करिब नौसय लायनहरुको रजिष्ट्रेसन हुने कार्यक्रम संयोजक दुर्गा कुंवरले बताउनु भयो । रजिष्ट्रेसन धमाधम भइरहेको र कार्यक्रममा काठमाडौबाट नै झण्डै ४०० लायनको रजिष्ट्रेसन हुने बागमती क्षेत्रका संयोजक हसन कुमार गोपालीले जानकारी दिनुभयो ।