काठमाडौं । आईसीसी टी–२० विश्वकप एसिया छनोट क्रिकेटमा ओपनर कुशल भुर्तेलले विस्फोटक ब्याटीङ गर्दै ४३ रन बनाएर आउट भएका छन्।

मलेसियाले नेपालसामू जितका लागि १ सय ६६ रनको चुनौती पछ्याउने क्रममा उनले २५ बलमा चार चौका र चार छक्का प्रहार गरे।

भुर्तेलले सोमबार सर्वाधिक ७४ रन बनाएका थिए। सिंगापुरविरुद्ध उनले ४८ बल खेलेका उनले ८ चौका र २ छक्का प्रहार गरे। त्रिवि क्रिकेट मैदान किर्तीपुरमा टस जितेर पहिला ब्याटिङमा आएको मलेसियाले निर्धारित २० ओभरमा ९ विकेट गुमाउँदै १ सय ६५ रन बनाएको हो।

आक्रामक सुरुवात गरेको मलेसियाले पाँच ओभरमा बिना क्षति ५४ रन बनाएको थियो । छैटौं ओभरमा मलेसियाको पहिलो विकेट खसेको थियो । त्यसपछि मलेसियाको आक्रामक ब्याटिङमा नेपालले नियन्त्रण गरेको थियो ।