काठमाडौं । भौतिक पूर्वाधार तथा यातायातमन्त्री प्रकाश ज्वालाले अहिलेको सत्ता गठबन्धन कसैले चाहँदैमा नढल्ने दाबी गरेका छन् । आइतवार जनकपुरधाम पुगेका मन्त्री ज्वालाले सञ्चारकर्मीहरूसँग कुरा गर्दै गठबन्धन बलियो भएकाले कसैले चहेर नढल्ने बताएका हुन् ।

नेकपा एमालेप्रति लक्षित गर्दै उनले कसैले गठबन्धन ढालोस् भनेर धुप, बत्ती बाल्दैमा नढल्ने टिप्पणी गरे । प्रतिगमनविरुद्ध एकजुट भएर सडकदेखि अदालतसम्म लडेका शक्तिहरू एक ठाउँमा रहेको भन्दै गठबन्धन ढाल्ने सपना नदेख्न उनले आग्रह गरे ।

‘अहिले गठबन्धन बलियो धरातलमा उभिएको छ । यो कसैले ढलोस् भनेर चाहँदैमा, धुप बत्ती गर्दैमा ढल्दैन,ु उनले भने, ुप्रतिगमनविरुद्ध एकजुट भएर सडकदेखि अदालतसम्म लडेका शक्तिहरू छन् । गठबन्धन ढलेर फाइदा पाइहाल्छौं की भनेर आशावादी भएकाहरूको आशा पूरा हुँदैन ।’

मन्त्री ज्वालाले समाजवादी मोर्चा सरकार बलियो बनाउने र टिकाइरहने मात्रै नभई गठबन्धनको दीर्घकालीन फाइदाका लागि बनेको बताए ।