रोशन ज्ञवाली
काठमाडौं । अहिले सामाजिक सञ्जालमा निकै नै लोकप्रिय बनेर जुनसुकै रोग तत्काल निको पार्ने झाँक्री भनेर चिनिएका प्रकाश भुजेलविरुद्ध अपराध अनुसन्धान महाशाखा (सिआइबी)मा उजुरी परेको छ ।
भुजेलले प्रयोग गर्दै आएको एसएलसी परीक्षाको प्रमाणपत्र नक्कली रहेको भन्दै सरकारी कागज, सहीछाप तथा किर्ते अभियोगमा कारवाहीको माग गर्दै विश्व हिन्दु युवासंघ अन्तर्राष्ट्रिय महिला समितिकी सचिव उमा जैशीले बुधबार उजुरी गरेको विश्व हिन्दु युवा संघ अन्तर्राष्ट्रिय समितिका अध्यक्ष सागर थापाले जानकारी दिए । सुनसरी धरानस्थित जनज्योति स्कुल र सिम्बोल नं. ०१५५२४५ रहेको २०४५ साल फागुन १९ गते जारी एसएलसीको प्रमाणपत्र नक्कली रहेको दावी गर्दै निवेदिका काफ्लेले भुजेलले सोही प्रमाणपत्रको प्रयोग गरेर आन्तरिक मामिला तथा कानून मन्त्रालय सञ्चार रजिष्टारको कार्यालय बागमती प्रदेशबाट पत्रकार परिचय पत्र बनाएको समेत उल्लेख गरेकी छन् ।

परीक्षा नियन्त्रण कार्यालय सानो ठिमीमा बुझ्दा समेत भुजेलको सो प्रमाणपत्र नक्कली भएको पाइएको तर आवश्यक छानविन गरी पाउँ भनी प्रहरी वित्त बौद्ध काठमाडौंमा निवेदन गरिए पनि त्यसको सुनुवाई नभएको उजुरीमा उल्लेख छ ।