काठमाडौं– जल तथा मौसम विज्ञान विभागका अनुसार अहिले देशका विभिन्न ७ ठाउँमा अधिक वर्षा भइरहेको छ। गण्डकी, लुम्बिनी र मधेस प्रदेशका विभिन्न ठाउँमा भारी वर्षा भइरहेको हो।

पाल्पाको बल्ड्याङगढी क्षेत्रमा पछिल्लो ३ घण्टामा मात्रै ११३.६ मिलिमिटर वर्षा भएको छ। उक्त क्षेत्रमा पछिल्लो २४ घण्टामा २४८ मिलिमिटर वर्षा भएको विभागले जनाएको छ।

यस्तै, स्याङ्जाको कुमालगाउँ क्षेत्रमा पछिल्लो २४ घण्टामा १४२ मिलिमिटर वर्षा भएको छ। दाङको कोइलावास क्षेत्रमा पछिल्लो २४ घण्टामा १३७.२ मिलिमिटर वर्षा भएको छ। अर्घाखाँचीको खान्चीकोटमा १५४.६ मिलिमिटर वर्षा भएको छ। नवलपुरको देउवाली नवलमा १४३.८ मिलिमिटर वर्षा भएको छ।

लमजुङको खुडी बजारमा १३१.८ मिलिमिटर वर्षा भएको छ। पाल्पाको तानसेनमा पछिल्लो २४ घण्टामा १६३.८ मिलिमिटर वर्षा भएको विभागले जनाएको छ।

यस्तै, मधेस प्रदेशको बाराको जितपुरमा पनि भारी वर्षा भइरहेको विभागले जनाएको छ। पछिल्लो २४ घण्टामा जितपुरमा १५३.८ मिलिमिटर वर्षा भएको छ।