काठमाडौं । नेकपा एमाले नेतृत्वको कोशी प्रदेशको सरकार विश्वास मत लिन असफल भएको छ। मुख्यमन्त्री हिक्मतकुमार कार्कीले कोशी प्रदेशसभामा विश्वासको मतसम्बन्धी प्रस्ताव राखेका थिए।

विश्वास गुमाएसँगै कोशीबाट कार्की नेतृत्वको सरकार ढलेको छ । विश्वासको मतको प्रस्तावमा शुक्रबार भएको मतदानमा पक्षमा ४६ मत र विपक्षमा ४३ मत खसेको छ । ९३ सदस्यीय कोशी सभामा बहुमतका लागि ४७ सांसद चाहिन्छ । बहुमत पूरा गर्न नभएसँगै १७४ दिनपछि मुख्यमन्त्री कार्की आफ्नो पदबाट बाहिरिएका छन् ।

कार्कीको पक्षमा एमालेका ४० र राप्रपाका ६ प्रदेशसभा सदस्यले भोट हालेका थिए भने विपक्षमा गठबन्धन दलमा रहेका कांग्रेसका २९, माओवादीका १२ र नेकपा एसका ४ प्रदेशसभा सदस्यले मत हालेका थिए। यस्तै गठबन्धनकी जसपाकी सांसद निर्मला लिम्बू भने बैठकमा अनुपस्थित थिइन् ।