काठमाडौं । पशुपति क्षेत्र विकास कोषले पशुपतिनाथ मन्दिरमा चढाइएको सुनको जलहरीमा १० किलोग्राम नै सुन रहेको दाबी गरेको छ ।

मंगलवार संघीय संसद् राष्ट्रियसभाअन्तर्गत राष्ट्रिय सरोकार तथा समन्वय समितिको बैठकमा कोषका सदस्य–सचिव डा. मिलनकुमार थापाले मन्दिरमा चढाइएको जलहरीमा १० किलो नै सुन रहेको दाबी गरेका हुन् ।

उनले जलहरीमा १० किलो सुन नपुगे आफू फाँसीको सजाय भोग्न तयार रहेको बताए । आफूले पटक–पटक जलहरीको सुन तौल लिन गरेको आग्रहलाई बेवास्ता गरेर राज्यले आफूलाई चोर करार गर्न खोजेको भन्दै सदस्य सचिव थापाले गहँभरी आँशु झारे ।

उनले न्याय नपाएर आत्महत्याको बाटो रोज्नुपर्ने अवस्था आएको हो र ? भनि सांसदहरूसँग जिज्ञासासमेत राखे । ‘नेपाल राष्ट्र बैंकले दिएको सम्झौंताअनुसार १०३ केजी सुन लिएर आएका हौं । १० किलो सुन शिवले पहिरिएर राख्नु भएको छ । जोख्दा खेरी थाहा हुन्छ नि पित्तल होल्यो कि चाँदी होल्यो,ु उनले भने, ुयदि १० केजी सुन पुगेन भने मलाई मृत्युदण्ड दिँदा हुन्छ । म मृत्युदण्ड लिन तयार छु । यो सुनको जलहरीमा मैले न्याय माग्न के आत्महत्या गर्नुपर्ने हो ? मलाई पशुपतिको भेटी तलमाथि गरेर, जग्गा जमिन बेचेर खानु छैन ।

आफ्ना दुई सन्तान रहेका र उनीहरूको भविष्यसमेत अन्धकार हुनेगरी आफूलाई सुन चोरको आरोप लगाइएको उनले दुखेसो गरे ।