काठमाडौँ । नेकपा माओवादी केन्द्रले राष्ट्रपतिका लागि राष्ट्रिय सहमति कामय गर्न गैर दलीय व्यक्तिको खोजी गर्ने बताएको एक साता नबित्दै नेपाल मामिलाका विज्ञ भारतीय प्राध्यापक एसडी मुनीले त्यसमा समर्थन जनाउँदै उम्मेदवार नै तोकिदिएका छन ।

नेपाल मामलामा निरन्तर टिप्पणी गरिरहने प्राध्यापक मुनीले सोमबार एक ट्वीट गर्दै गैरदलीय व्यक्ति राष्ट्रपति बनाउने माओवादी प्रस्तावमा समर्थन जनाएका हुन् । उनले नागरिकता विवादमा परेकी अनुराधा कोइरालासहित देवेन्द्रराज पाण्डे, लोकराज बराल र दमननाथ ढुंगानाको नाम राष्ट्रपतिका लागि उपयुक्त हुने सुझाव दिएका छन ।

एसडी मुनीले ट्वीटरमा लेखेका छन, ‘Demand in Nepal for a consensual new President sounds valid. Non-partisan persons of impeccable integrity and political sensitivity like Davendra Raj Pandey, Prof Baral, Daman Dhungana, Anuradha Koirala deserve to be considered by the political class.’

माओवादीका दोस्रो पुस्ताका नेताहरूले केहीदिन अघिदेखि निरन्तर रूपमा दिइरहेको अभिव्यक्तिलाइ मन्ने हो भने त उनीहरूले एसडीमुनीले भनेको जस्तै निर्णय गर्दैछन । संयोग पनि कस्तो परेको छ भने मुनीको सुझाव आएकै दिन माओवादीको पदाधिकारी बैठले राष्ट्रपतिका लागि के गर्ने भन्ने विषयमा निर्णय लिँदैछ ।