काठमाडौं । नेपाली क्रिकेट टीमका पूर्वकप्तान सन्दीप लामिछाने छुटेका छन् । किशोरी बलात्कार आरोपमा असोज २० गते पक्राउ परेका उनी ९९ दिनपछि भर्खरै थुनाबाट छुटेका हुन् ।

उनको तर्फबाट जिल्ला अदालत काठमाडौंमा २० लाख धरौटी रकम दाखिला गरेपछि केन्द्रीय कारागारबाट उनी छुटेका हुन् । काठमाडौं जिल्ला अदालतले थुनामा पठाउने आदेश बदर गर्दै बिहीबार उच्च अदालतले सन्दीपलाई सर्तसहित धरौटीमा छाड्न आदेश दिएको थियो ।

उनी रिहा हुने बेला कारागार परिसर पुगेका सयौं समर्थकले सन्दीप भाइ हाइहाइको नारा लगाएका छन् । जेलबाट ९९ दिनपछि खुल्ला आकाशमा निस्किँदै गर्दा सन्दीपमा कान्ति छाएको देखिन्थ्यो ।