पेलेलाई अन्तिम बिदाइ गर्न उर्लियो जनसागर

२०७९ पुष १९ गते, मंगलवार

बिबिसी ब्रजिलमा पेलेप्रति सम्मान प्रकट गर्न हजारौँ मानिसहरू उनले पहिला खेलेको फुटबल क्लब सान्तोसको मैदानमा भेला भएका छन्। त्यहाँ पेलेको पार्थिव शरीरलाई अन्तिम श्रद्धाञ्जलिका लागि राखिएको छ।

पेलेको शवपेटिका साओ पाउलोस्थित उर्बानो काल्देरा रङ्गशालाको बीचमा राखिएको छ र त्यहाँसम्म जान मानिसहरू सडकदेखि नै पङ्क्तिबद्ध भएका छन्। तीन पटकको विश्वकप विजेता पेलेको ८२ वर्षको उमेरमा गत साता निधन भएको थियो । मङ्गलवार उनलाई समाधिस्थ गर्नुअघि सान्तोसमा उनको शवयात्रा निस्किनेछ।
“हामी विश्वका हरेक देशलाई आफ्नो एउटा फुटबल रङ्गशालाको नाम पेलेको नाममा राख्न आग्रह गर्नेछौँ,“ श्रद्धाञ्जलि अर्पण गर्न पुगेका फिफाका अध्यक्ष जियानी इन्फान्टिनोले भने। पेलेको निधनपछि ब्रजिल सरकारले तीनदिने राष्ट्रिय शोकको घोषणा गरेको छ। विश्वकै सबैभन्दा महान् खेलाडीमध्ये एक मानिने पेलेलाई ठूलो आन्द्राको क्यान्सर भएको थियो।

‘पेलेजस्तो अरू कोही हुनेछैन’
सोमवार बिहान शववाहन रङ्गशालामा आइपुगेसँगै हजारौँ प्रशंसकहरू सडकमा निस्किएका थिए। पेलेलाई श्रद्धाञ्जलि अर्पण गर्न केही मानिस रातिदेखि नै लाइनमा बसेका थिए।

शव राखिएको पेटिका बोक्न ब्रजिलका भूतपूर्व खेलाडि जे रोबेर्टो र पेलेका छोरा एडिन्होले सहयोग गरेका थिए भने नेइमार, भिनिसस जुनिअर र रेआल मड्रिड क्लबले पुष्पगुच्छा पठाएका थिए।

बिहान ६ बजे उठेर आफ्ना पतिसँग सोरकाबा सहरदेखि यात्रा गरेकी बीएट्रिस दुई घण्टाभन्दा बढी लाइन लागेकी थिइन्। अन्तिम श्रद्धाञ्जलि अर्पण गर्न म कटिबद्ध छु,” ५६ वर्षकी उनले भनिन्।

तेह्र वर्षे छोरासहित विल्सन जेनियो पनि सेतो गुलाफको फूल र पेलेले हस्ताक्षर गरेको सान्तोस फुटबल क्लबको झण्डा बोकेर लाइन लागेका थिए। झण्डामा लेखिएको थियोः “जेनियो परिवारका लागि, तिम्रो साथी पेले।”

जेनियो र उनका छोराले रातभरि शववाहन पच्छाएका थिए। “हामी उनको पछिपछि आएका हौँ। बिहान साढे तीन बजेदेखि हामी यहाँ छौँ,” उनीहरूले भने। “अर्को १,००० वा २,००० वर्षपछि पनि पेलेजस्तो कोही हुनेछैन। उनी एक मात्र त्यस्ता हस्ती हुन्।”

यहाँ निकै गर्मी छ। तापमान झन्डै ३० डिग्री सेल्सिअस पुगेको छ। तर पूरै सहर पेलेको शव राखिएको रङ्गशालातिर उर्लिए जस्तो देखिन्छ । शोकाकुल प्रशंसकहरूले रङ्गशालाको बीचको भागमा पुगेर अन्तिम श्रद्धाञ्जलि अर्पण गरिरहेका छन्।

ब्रजिलका सबै भाग मात्रै नभएर विश्वभरिबाट मानिसहरू यहाँ आइपुगेका छन्। मैले मेक्सिकोको झण्डा र द नेदरल्यान्ड्सको ’पिन’ पनि देखेँ। समाचार सङ्कलन गर्न सञ्चारमाध्यमले प्रयोग गरेका हेलिकप्टरहरू उडिरहेका छन्। पेलेको क्लब सान्तोसको कालो र सेतो रङ्गको जर्सी वा ब्रजिलको राष्ट्रिय टोलीको पहेँलो रङ्गको जर्सी लगाएर मानिसहरू निस्किएका छन्।

रङ्गशालामा पेलेको स्वर गुन्जिएको छ। सन् २००६मा उनले गाएको “मीउ लेगादो” अर्थात् मेरो विरासत बोलको गीत दोहो¥याएर तेहे¥याएर बजाइएको छ।

53 Views

ताजा

अब नेपालीले भारतमा सीम कार्ड पाउने

२०८० फाल्गुन ८ गते, मंगलवार

अब नेपालीले भारतमा सीम कार्ड पाउने

२०८० फाल्गुन ८ गते, मंगलवार

सनातन हिन्दु हिन्दु राष्ट्रको अभियानलाई शशांकको पनि समर्थन

२०८० फाल्गुन ८ गते, मंगलवार

सिद्ध गुफामा डा। उपाध्यायको पुस्तक लोकार्पणसँगै एल्वम विमोचन

२०८० फाल्गुन ८ गते, मंगलवार

‘लघुवित्तको विकल्प छैन, बचाउन सबै लाग्नुपर्छ’ सांसद भगबती चौधरी

२०८० फाल्गुन ८ गते, मंगलवार

दोलखा केन्द्रबिन्दु भएर भूकम्प

२०८० फाल्गुन ८ गते, मंगलवार

साहित्यकार केशु विरहीको तेह्रथुमको साहित्यिक इतिहास नामक कृतिको लोकार्पण

२०८० फाल्गुन ७ गते, सोमबार

बालबालिका र किशोरकिशोरीका हरेक समस्याको समाधान बिना ‘अर्को विश्व’ सम्भव छैन

२०८० फाल्गुन ७ गते, सोमबार

विद्यार्थीहरूलाई यौन तथा प्रजनन स्वास्थ्य स्वास्थ्य सिकाउँदै सुरुवात

२०८० फाल्गुन ७ गते, सोमबार

शिवरात्रीको समयमा एक सातासम्म पशुपतिमा विश्वशान्ति महायज्ञ चल्दै

२०८० फाल्गुन ७ गते, सोमबार

आजदेखि कांग्रेस महासमिति बैठक

२०८० फाल्गुन ७ गते, सोमबार

लोकप्रिय

मेरो रहरले कलाकारिता क्षेत्रमा आएकी हुँ

२०८० मंसिर २९ गते, शुक्रबार

मनसुन लम्बियोः ‘धान नकाटौं, काटेको भए भित्र्याइहालौं’

२०८० आश्विन १५ गते, सोमबार

दलाल पूँजीपति वर्ग नै हाम्रो प्रमुख शत्रु हो

२०८० भाद्र २२ गते, शुक्रबार

शनिबार काठमाडौंका ५० भन्दा बढी ठाउँमा विद्युत् सेवा अवरुद्ध हुने

२०८० भाद्र १ गते, शुक्रबार

काठमाडौं महानगरपालिकाद्वारा खुल्ला दूध बेचबिखन, पानीपुरी, चटपटेमा रोक लगाउने तयारी

२०८० श्रावण २८ गते, आईतवार

राजकुमारको कृषि कथाः कर्म गर, सफलता पछिपछि आउँछ

२०८० असार २४ गते, आईतवार

१ लाख १ हजार १सय ११ रुपैया राशिको आदर्श पत्रकारिता पुरस्कार किशोर नेपाललाई

२०७९ चैत्र २४ गते, शुक्रबार

धनकुटा महोत्सवमा ३० जना घाइते

२०७९ माघ १५ गते, आईतवार

निर्मला कुर्मी प्रकरणः रुबी खानसहित केही अधिकारकर्मी पक्राउ

२०७९ माघ ९ गते, सोमबार

2020 Copyrights Reserved at dnfkhabar.com

Designed & Developed By Web House Nepal