प्रधानन्यायाधीशले नै न्याय नपाएपछि …

२०७९ मंसिर २९ गते, बिहीबार

गणेश जि.सी.
निलम्बित प्रधानन्याधीश चोलेन्द्र शमशेर जबरा उमेर हदका कारण मंगलबारबाट अनिवार्य अवकाशमा गएका छन् । न्यायालय प्रवेश गरेदेखि नै आफ्नै फैसलाका कारण बेलाबेलामा विवादमा आइरहने जबरा कार्यकालको अन्त्यतिर नराम्रो चक्रव्यूहमा फस्न पुगे । २०५१ सालमा पुनरावेदन अदालतको अस्थायी न्यायाधीश बाट न्यायसेवामा प्रवेश गरेका जबराले आखिरमा ठूलै अन्याय आफैंले भोग्न बाध्य भएका छन् । कतिपयले उनको यो अवस्थालाई कर्मको फलका रुपमा समेत चित्रित गर्छन् । हुन पनि जब जबराले संवैधानिक व्यवस्थालाई चुनौती दिँदै व्यवस्थापिकाको अधिकारमाथि हस्तक्षेप गरे । उनको दुर्दान्त त्यहीबाट शुरु भएको हो ।
तत्कालीन प्रधानमन्त्री केपी शर्मा ओलीद्वारा दोश्रो पटक विघटित प्रतिनिधिसभा पुर्नस्थापित गर्दै परमादेशबाट सरकार गठन गर्न उनले जुन आदेश जारी गरे त्यो संसदीय व्यवस्था प्रतिकूल र संविधानसभाद्वारा जारी संविधानविपरित थियो । प्रतिनिधिसभा पुनस्र्थापना गरेर सरकार गठनको जिम्मा संसदलाई दिनुको सट्टा आन्दोलनरत् पाँचदलीय गठबन्धनसँगको साँठगाँठमा उनले जुन हर्कत गरे त्यो वास्तवमा शोभनीय थिएन । यसविरुद्ध परमादेशमार्फत सत्ताबाट बाहिरिएको नेकपा एमालेको चित्त दुखाई हुनुपर्नेमा जोजो सत्तारोहण गरे उनीहरुकै पहलमा गत फागुन १ गते संसदमा उनीविरुद्ध महाअभियोग प्रस्ताव दर्ता भयो । यसको पछाडि बालुवाटारस्थित ललिता निवास भ्रष्टाचार प्रकरण मुख्य कारण रहेको स्वयं निवर्तमान प्रधानन्यायाधीश जबराले नै खुलस्त गरिसकेका छन् । उनको त्यो अभिव्यक्ति र गठबन्धन सरकार तथा गठबन्धनको सहयोगीका रुपमा अगाडि आएको नेपाल बार एशोसिएशनको जबराप्रतिको पूर्वाग्रहले ‘दालमे कुछ काला हे’ भन्ने उखानलाई चरितार्थ गरेको छ । जसरी हुन्छ जबरालाई न्यायलयमा छिर्न नदिने र निलम्बित नै राखिरहने उनीहरुको योजनाबद्ध प्रयास उनी अवकाशमा गएपछि सफल भएको छ । तर, उनीहरुले जबरामाथि महाअभियोग प्रस्तावलाई किन संविधानसम्मत अगाडि बढाउन चाहेनन् ? यसको चित्त बुझ्दो जवाफ उनीहरुले दिनैपर्छ । न्यायलयको नेतृत्व गरिरहेको एउटा प्रधानन्यायाधीशले आफू दोषी या निर्दोष के हो भन्ने कुराको निरुपण नभई बहिर्गमन हुनु आपत्तिजनक विषय हो । लामो समयदेखि सर्वोच्च अदालतमा घटित कतिपय पस्थितिले नेपालको न्यायालयमा ब्याप्त विद्यमान अवस्थाको उजागर भने यो प्रकरणले राम्रैसँग गरेको छ ।
नेपालको न्यायपालिकाकै इतिहासमा संभवतः यो एक दीर्घकालीन प्रभाव पार्नेे र गलत नजिर स्थापित हुने द्योतकका रुपमा यसलाई लिन सकिन्छ । महाअभियोग प्रकरण सदनमा प्रवेश गरेसँगै त्यसको समयमै टुंगो लगाउनुपर्नेमा दलहरुकै अकर्मण्यताकै कारण उनको सुनुवाई हुन सकेन । समयमै त्यसको संसदीय पद्धति अनुरुप न्यायीक निरुपण नगरी अनिर्णयको बन्दी बनाएर प्रधानन्यायाधीश नै अन्यायको भागिदार बन्न पुगेका छन् । विगतमा उनले गरेका कतिपय विवादित फैसलालाई नकोट्याउने हो भने उनी जुन आरोप लागेर अनिवार्य अवकाशमा गए । त्यसका पछाडि आर्थिक र राजनीतिक स्वार्थहरु जोडिएका छन् । संसदीय सुनुवाई समितिले सर्वसम्मत निर्णय गरेर जुनदिन उनलाई प्रधानन्यायाधीशका रुपमा सिफारिस ग¥यो, त्यही दिनदेखि उनले विगतका कमजोरीबाट सफाई पाएका थिए । तर, उनीविरुद्ध अन्तिम समयमा जुन किसिमको हर्कत र षड्यन्त्र गठबन्धन सरकार र नेपाल बार एशोसिएशनबाट भयो । यो नेपालको न्यायिक इतिहासमा कालो धब्बा हो । यो घटनाले व्यक्तिगत रुपमा चोलेन्द्र शमशेर जबराको बदनामी भयो होला त्यो भन्दा बढी न्यायलयलाई निहीत स्वार्थका लागि विचौलियाहरुको जिम्मामा लगाउने योजना सफल भएको छ । आगामी दिनमा कुन बेला कुनचाहिँ प्रधान न्यायाधीशले जबराको नियति भोग्नुपर्छ त्यसको टुंगो भने तत्कालिन राजनीतिक घटनाक्रमले सिर्जना गर्ने अवस्था उत्पन्न भएको छ । यो न्यायालयलाई गम्भीर राजनीतिक दलदलमा फसाउने मात्र नभएर न्यायालाई ध्वस्त गर्ने योजनाबद्ध प्रयासका रुपमा अगाडि आएको छ । गोटीका रुपमा नेपाल बार एशोसिएशन र सर्वोच्च अदालतकै कतिपय न्यायाधीशहरु प्रयोग भएका छन् । यो साँच्चिकै गम्भीर विषय हो ।

23 Views

ताजा

हिन्दु धर्म विश्वको पुरानो धर्मः सिद्दबाबा

२०७९ माघ १६ गते, सोमबार

हिन्दु धर्म विश्वको पुरानो धर्मः सिद्दबाबा

२०७९ माघ १६ गते, सोमबार

आत्मदाहको प्रयास गरेका पुरुषलाई बचाउँदा घाइते भएकी घरबेटीको मृत्यु

२०७९ माघ १६ गते, सोमबार

राष्ट्रपतिको निर्वाचन फागुन २५ मा तय

२०७९ माघ १६ गते, सोमबार

मलेसियामा चौथो ईन्टरनेशनल सोसल अर्वाड सम्पन्न

२०७९ माघ १६ गते, सोमबार

अग्रिया सिंह उत्कृष्ट नृत्यांगना

२०७९ माघ १६ गते, सोमबार

सहिदको सपना पूरा गर्न सबै एकजुट हुन आवश्यकः प्रधानमन्त्री प्रचण्ड

२०७९ माघ १६ गते, सोमबार

‘सहिद दिवस’ ले प्रेरणा प्रदान गर्नेछः सभापति देउवा

२०७९ माघ १६ गते, सोमबार

राष्ट्रपति भण्डारीबाट सहिदप्रति श्रद्धाञ्जली अर्पण

२०७९ माघ १६ गते, सोमबार

विभिन्न कार्यक्रम गरी आज सहिद दिवस मनाइँदै

२०७९ माघ १६ गते, सोमबार

काठमाडौं आइपुगिन् सन्नी लियोन

२०७९ माघ १५ गते, आईतवार

लोकप्रिय

धनकुटा महोत्सवमा ३० जना घाइते

२०७९ माघ १५ गते, आईतवार

निर्मला कुर्मी प्रकरणः रुबी खानसहित केही अधिकारकर्मी पक्राउ

२०७९ माघ ९ गते, सोमबार

विदेशमा रहेका नेपालीलाई रविको जागिर अफर– ‘तपाईंलाई लिन म आफैं एयरपोर्ट आउँछु’

२०७९ पुष ८ गते, शुक्रबार

भाईरल बरिशा, हिरोईन रश्मिकाले भेट्न आउने ईच्छा ब्यक्त गरेपछी….

२०७९ आश्विन ४ गते, मंगलवार

यी हुन् आमा-छोरा झट्ट हेर्दा दिदीभाइ जस्ता तर सँगै स्कुल ।

२०७९ आश्विन २ गते, आईतवार

भूमाफियाहरुको सातो खाएका काठमाडौँका मेयरले गरे अर्को कमालको काम….

२०७९ आश्विन २ गते, आईतवार

बालेन ले बाबुरामलाइ दिए मुखभरीको जवाफ भने हजारौंको घर भ,त्काएर फुटपाथ बनाउँदा सोच्न पर्थ्यो नि ।”

२०७९ आश्विन १ गते, शनिबार

गायिकामाथि जापानमा दोहोरी सञ्चालकले गरे दुर्व्यवहार 

२०७९ भाद्र २९ गते, बुधबार

नेकपा( एकीकृत समाजवादी )को निकट सहकारी संगठन समाजवादी सहकारी संगठन नेपाल घोषणा

२०७९ भाद्र २९ गते, बुधबार

2020 Copyrights Reserved at dnfkhabar.com

Designed & Developed By Web House Nepal