काठमाडौं । केही दिनअघि काठमाडौं महानगरपालिकाले आफ्नो व्यापार व्यवसाय ३५ दिनभित्र दर्ता गर्न ३५ दिनको सूचना प्रकाशित गरेको थियो । त्यसैलाई आधार मानि तार्केश्वर नगरपालिका वडा नंं ८ ले पनि त्यस नगरपालिका क्षेत्रभित्र कतिपय व्यापार व्यवसाय गर्ने व्यवसायीहरुले आफ्नो व्यवसाय दर्ता नगरेकाले ३५ दिनभित्र आफ्नो व्यापार व्यवसाय आफ्नो वडामा गई दर्ता गर्न अनुरोध गरेको छ ।
नगरपालिकाले पटक–पटक अनुरोध गर्दा समेत व्यापार व्यवसाय दर्ता नगरेकाले कर तथा जरिवाना समेत असुल गरिने बताएको छ । तारकेश्वर नगरपालिकाको आर्थिक ऐन, २०७९ बमोजिम व्यवसय दर्ता सम्बन्धमा चालु आ.ब. २०७९÷८० मा हाल एकपटकका लागि चालु आ.ब. २०७९÷८० भरी यसभन्दा अगाडि व्यवसाय सञ्चालन गरी नियमानुसार वडा कार्यालयमा दर्ता नभएका सम्पूर्ण व्यवसायहरुलाई चालु आ.ब. २०७९÷८० लाई आधार वर्ष मानी व्यवसाय दर्ता गरिने एवं व्यवसाय नविकरण सम्बन्धमा यसभन्दा अघि दर्ता भएका तथा समयमा नविकरण नभएका व्यवसायहरुको हकमा नविकरणमा लाग्ने जरिवानामा ५० प्रतिशतले छुट दिने व्यवस्था गरेको थियो ।