मेची आँखा अस्पतालले एक व्यक्तिले गरेको आँखा दानबाट दुई जनाको आँखाको नानी प्रत्यारोपण गरेको छ ।

पाँचथरको फिदिम नगरपालिका–१ का लेखक तथा साहित्यकार रामबहादुर गुरुङ (रामप्रकाश समथिङ)ले आँखा दान गरेका थिए ।

उनको गत भदौ ३० गते नि,धन भएपछि उनको आँखाको नानी संकलन गरिएको थियो ।

मेची आँखा अस्पतालका आँखा नानी संकलन केन्द्रका प्राविधिक पुष्प अधिकारीको टिमले मृ,तकको परिवारको स्वीकृति लिएर आँखाको नानी निकालेर मेची आँखा अस्पतालको नानी संकलन केन्द्रमा राखेको थियो ।

उक्त आँखाको नानी दुई भिन्न व्यक्तिलाई तीन दिनको अवधिमा प्रत्यारोपण गरिएको मेची आँखा अस्पतालले जनाएको छ ।

कसैको मृ,त्यु भएमा आँखाको नानी आठ घण्टाभित्र निकाली सक्नुपर्ने र १४ दिनभित्रमा अन्य व्यक्तिलाई प्रत्यारोपण गरिसक्नुपर्ने बताइएको छ ।

मेची आँखा अस्पतालकी डा. इसा बिष्टले संकलन गरेर ल्याइएको आँखाको नानी सफलतापूर्वक प्रत्यारोपण गरिएको जानकारी दिइन् ।

लामो समयदेखि आँखाको नानीमा फुलो परेर दुबै आँखाको दृष्टि गुमाएका दुई व्यक्तिले आँखा दान गरिएको आँखाको नानी प्रत्यारोपणपछि दुबै व्यक्तिले दृष्टि पाएका छन् ।

उनीहरुले आँखाको प्रत्यारोपणपछि खुशी व्यक्त गरेका छन् । यसैबीच मेची आँखा अस्पतालले मृ,त्युपछि जलेर खरानी भएर जाने आँखालाई दान गर्न आग्रह समेत गरेको छ ।

आँखा दान गरेमा दृष्टिविहीनले दृष्टि पाउने भएकाले सबैले आँखा दान गर्नुपर्ने मेची आँखा अस्पतालकी आउटरिच अफिसर कविता कार्कीले बताइन् ।

अस्पतालले गुरुङको परिवारलाई धन्यवाद दिदैं सबैले नेत्र दान गर्नुपर्नेमा जोड दिएको छ ।