काठमाण्डाै ,चीनले नेपालसँगका तातो पानी र रसुवागढी नाका तत्कालै खोल्ने भएको छ । राष्ट्रपति विद्यादेवी भण्डारीसँगको शिष्टाचार भेटवार्ताको क्रमममा चिनियाँ राष्ट्रियजनकंग्रेसका अध्यक्ष लिचान्सुले दुवै नाकातत्कालै खुल्ने जानकारी दिनुभएको राष्ट्रपति कार्यालयका सञ्चार विज्ञ टिका ढकाललले उज्यालोलाई जानकारी दिनु भयो ।

महामहिमलाई भेट्न आउनु भन्दा पहिले मैले मेरा देशका अधिकारीसँग कुरा गरेर नाका खोल्ने विषय पक्का गरेको छु नाका अब तत्कालै खुल्ने छन् ।  जनकंग्रेसका अध्यक्ष चान्सुले राष्ट्रपति भण्डारीसँग भन्नु भयो । नाका पूर्ण रुपमा खुलेको जानकारी केहिदिनमै नेपालका लागि चीनका राजदूतले दिने पनि चान्सुले राष्ट्रपति भण्डारीलाई बताउनु भएको थियो । महामारीका कारण नाका बन्द गर्नुपरेको उल्लेख गर्दै उहाँले अब महा मारीबाट बच्दै नाका पहिलेकै अवस्थामा जस्तै सञ्चालन हुनेमा ढुक्क रहन चान्सुले आग्रह गर्नु भएको छ ।

यस्तै विश्वपरिघटनामा बदलाव आउँदा र धेरै चुनौती थपिँदा पनि नेपाल एक चीननीतिप्रति प्रतिबद्ध रहेकोमा खुसी व्यक्त गर्दै अध्यक्ष चान्सुले नेपाललाई चीन र चिनियाँ नागरिकको उच्च सम्मान रहेको पनि बताउनुभएको थियो । यस्तै नेपालमा आन्दोलनबाट उदाएकी एक महिला राष्ट्रपतिमा निर्वाचित भएको विषय चीन र विश्वका अरुदेशका लागि पनि प्रेरणाको विषय भएको अध्यक्ष चान्सुले बताउनु भएको थियो ।”

राष्ट्र-पति भण्डारीले पनि चीनले नेपाललाई गर्दै आएको सहयोग र देखाएको सद्भाव प्रति धन्यवाद दिनु भएको छ । चिनियाँ राष्ट्रपतिको नेपाल भ्रमणले विश्वको ध्यान तानेको भन्दै उहाँले दुई, पक्षबीच भएका सम्झौताको कार्यान्वयनमा जोड दिनु भएको पनि सञ्चार विज्ञ ढकालले जानकारी दिनु भयो । भू,कम्प र को,रोना महामारीबाट उठ्न चीनको सहयोग निकै महत्वपूर्ण रहेको भन्दै राष्ट्र-पति भण्डारीले आउँदा दिनमा पनि नेपाल,चीन सम्बन्ध यस्तै सुमधुर रहिरहने विश्वास व्यक्त गर्नु भयो ।