छोराले चलाएको मोटरसाइकलबाट झ,र्दा झापा अर्जुनधारा नारायण चोककी एक बृ,द्धाको मृ,त्यु भएकाे छ ।

अर्जुनधारा नगरपालिकाको नारायण चोक र बुद्धशान्ति गाउँपालिकाको जयपुर चोक जोड्ने सडक खण्डमा भएको सवारी दु,र्घटनामा परी एक बृद्धाको मृ,त्यु भएको हो ।

आइतबार अपराह्न करिब पौने ५ बजे आफ्नै छोराले चलाएको मोटरसाइकलको पछाडि सिटमा बसेकी अर्जुनधारा ७ नारायण चोककी ६२ वर्षीया लक्ष्मीमाया कार्कीको मृ,त्यु भएको हो ।

अन्दाजी ४० वर्षीय छोरा सुमन कार्कीले चलाएको मोटरसाइकलको पछाडि उनी बसेकी थिइन् । बुद्धशान्ति २ स्थित रबर बगान नजिक दु,र्घटना भएको बताइएको छ ।

दु,र्घटनाबाट उनका टाउकोमा चोट लागेको र तत्काल अर्जुनधाराकै शंकर हस्पिटल लगिए पनि उपचार सम्भव नभएपछि बिर्तामोड लगिएको प्रहरीले जनाएको छ ।

उपचारका लागि बिएन्डसी अस्पताल पुराइए पनि उपचार अगावै कार्कीको ज्यान गएको बताइएको छ ।

घटनापछि छोरा पनि बेहोस भएका कारण बिएन्डसीमै उपचार भइरहेको प्रहरीले जनाएको छ । घटनाबारे थप अनुसन्धान भइरहेको प्रहरीले जनाएको छ ।