काठमाडौं । सरकारले संसद्बाट पास गरेको नागरिकता विधेयकका बारेमा आफ्नो असन्तुष्टि राख्न राष्ट्रपति कार्यालय पुगेको नेपाल समाजवादी कांग्रेसले राष्ट्रपतिसँग भेटेर आफ्नो कुरा राख्न पाएन । पार्टीले नागरिकता विधेयक देशघाती छ भन्ने ठहर गर्दै त्यसबारे जानकारी दिन राष्ट्रपतिलाई भेट्ने योजना बनाए पनि भेट गर्नलाई समय नमिलाएकाले बाध्यताले खुलापत्र लेख्नुपरेको पार्टी अध्यक्ष गोविन्द निरौलाले बताएका छन् । ‘हामीले पटक पटक भेट्ने प्रयास गरेका हौं तर पाइनौं, राष्ट्रपतिका मान्छेहरुले हामीलाई पत्याएनन् र बेवास्ता गरे’ अध्यक्ष निरौलाले भने ‘हामी धेरै समयसम्म समय मिल्छ कि भनेर पर्खेर बस्यौं, अनेक भित्री र बाहिरी स्वार्थ भएकाहरुले भनें सजिलै भेट्न समय पाए ।’ निरौलाले नागरिकता विधेयकले देश टुक्रिने र भोलिको दिनमा थप संकट आउने भएकाले त्यसलाई रोक्न राष्ट्रपतिलाई आग्रह गर्ने आफूहरुको कार्यक्रम भएको बताए । राष्ट्रपतिसँग भेट्न नपाएपछि अध्यक्ष निरौलाले राष्ट्रपतिलाई खुलापत्र भन्दै सामाजिक सञ्जाल फेसबुकमा यस्तो पोष्ट गरेका छन् । (सम्पादनसहित)
हुन त तपाईं एमालेकै कार्यकर्ता हो । म तपाइलाई मोरङ क्याम्पस पढ्दादेखि नै चिन्दछु, तपाईं त्यो समयमा अखिल पाँचौबाट महेन्द्र मोरङ क्याम्पसको स्वतन्त्र विद्यार्थी युनियनको कोषाध्यक्ष हुनुभयो । जुन समय थियो म नेपाल विद्यार्थी संघको जिल्ला सचिव थिए ।
दुई विपरीत बिचार भएका हामीविच तपाईंसँंग मैले गुनासो गर्नु व्यर्थ हो । तापनि अहिलेको समयमा तपाईं देशको राष्ट्रपति हुनुभएको छ । लागेको थियो सबै नेपाली जनताको राष्ट्रपति हुनुभएको होला तर अवस्था त्यसो रहेनछ ।
मलाई विश्वास छैन, मदन भण्डारी भएको भए तपाईं राष्ट्रपति हुनुहुन्थ्यो या हुनु हुन्थेन । उहाँ मेरो परम मित्र हुनुहुन्थ्यो, आपसी सम्बाद हुने गथ्र्यो ।
सम्माननीय राष्ट्रपती विद्यादेवी भण्डारी ज्यु
राष्ट्रपतिको कार्यालय, शीतलनिवास काठमाडौँ ।
विषय – देशमा घोषणा गरिएको राज्यब्यवस्था र पारित गरिएको नागरिकता विधेयकबारे ।
संघीयता र धर्मनिरपेक्षताको माध्यमबाट देशलाई विखण्डन गरेर भए पनि तपाईं राष्ट्रपति हुनुभएको छ, बधाई । आग्रह छ देश विघटन गरेर नेपाली जनता शरणार्थी नबनाई दिनुस् ।
शायद तपाईकै कार्याकालभित्र होला वाइडबडी, एनसेलको राजश्व छलि, नेपाल टेलिकमको फोरजि घोटालाजस्ता भ्रष्टाचार काण्ड भएको कुरा सार्वजनिक भएका छन् ।
तपाईं समेतको पार्टी सम्मिलित भएर महाकाली भारतलाई जिम्मा लगाइएको छ । देशमा भएका उद्योगधन्दा ध्वस्त गरिएका छन् । युवा भाइबहिनीहरुलाई विदेश पलायन गराएर मुलुकलाई बृद्धबृद्धाको आश्रयस्थल बनाइएको छ । आर्थिक अवस्था भिक्षादानको माध्यमलाई अलग राखेर चल्न सकेको छैन । शेरबहादुर देउवालाई अदालतबाट प्रधानमन्त्री नियुक्त गराएर जसरी प्रजातन्त्र मासि दिनु भएको छ बधाई नभनी रहन सक्दैनौ । भर्खर मात्र पास गरेर तपाइकोमा प्रमाणीकरणको लागि पेश हुन आएको नागरिकता विधेयक देशको हितविरुद्ध भएकोले बिफल बनाएर मुलुकको रक्षा गर्न हार्दिक अनुरोध गर्दछौ । देश विकासका धेरै आशा गरेका छैनौँ । इतिहासको पानामा स्वर्ण अक्षर अंकित गराउने हो भने संघीयता, धर्मनिरपेक्षता खारेज भएको घोषणा गरेर प्रजातन्त्र, राजसंस्था र हिन्दुराज्य स्थापना भएको घोषणा गरिदिनुस् । राष्ट्रिय सरकार, राष्ट्रिय सहमति, अनि नयाँ संविधानको घोषणा गराँै । हामीहरु वर्तमान राज्य व्यवस्थाका विरोधी हौँ भेट नदिनुस् । हुलाकबाट पठाएको ज्ञापनपत्र पढेर फ्यालिदिँदा हुन्छ, कारण त्यो ज्ञापनपत्र कुनै कम्युनिष्टहरुको लेटर प्याडमा नभएर नेपाल समाजवादी काँग्रेस लेखिएको लेटरप्याडमा लेखिएको छ र नेपाल समाजवादी काग्रेस वर्तमान शासनसत्ताविरोधी राजनीतिक दल हो । सार्वजनिक अपिल गर्दै देश बचाउन आग्रह गरेका छौ । सबै नेपाली मिलेर देश बचाऔ । जय नेपाल ।
गोबिन्द निरौला
अध्यक्ष, नेपाल समाजवादी काग्रेस